كلية علوم شبين جامعة المنوفية
هذه الرساله تفيد بأنك غير مسجل .

ويسعدنا كثيرا إنضمامك لنا . قصيدة زوح لزوجته 809524

قصيدة زوح لزوجته 156752

قصيدة زوح لزوجته 89N47644


انضم إلى المنتدى ، فالأمر سريع وسهل

كلية علوم شبين جامعة المنوفية
هذه الرساله تفيد بأنك غير مسجل .

ويسعدنا كثيرا إنضمامك لنا . قصيدة زوح لزوجته 809524

قصيدة زوح لزوجته 156752

قصيدة زوح لزوجته 89N47644
كلية علوم شبين جامعة المنوفية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصيدة زوح لزوجته

+2
أسيل
ALSHARKAWY
6 مشترك

اذهب الى الأسفل

قصيدة زوح لزوجته Empty قصيدة زوح لزوجته

مُساهمة من طرف ALSHARKAWY الجمعة مارس 11, 2011 4:00 am


In this photo:

حبيتك لإلتزامك . . . . . حبيتك لاحترامك
حبيت فيكي التواضع . . . . .والعزة اللي ف كلامك
مبسوط منك لأنك . . . . .إسلامك كل همك
أنا أصلي قابلت بابا . . . . . واداني فكرة عنك
وسألته عن طباعك . . . . . إن كانت يعني هادية
فحكالي عن سماعك . . . . . لكلامه وانت راضية
وازاي بتسلي نفسك . . . . .بذكرك وانت فاضية
وحلاوة صوت تلاوتك. . . . . .وإزاي بتكوني شاديه


وسألته إن كنتي فاهمة . . . . معنى كلمة زوجين
قالي هتكونوا ورقة . . . . . . مطبوعة نسختين
غني كنت أو فقير . . . . . . ليك عند بنتي دين
سرك هيكون في بير . . . . . معرفش مكانه فين
تفضل دايماً كبير . . . . . . . في نظرها حبتين
لو جيت بفلوس كتير . . . . . تطمن جت منين


هتكون دايماً معاها . . . . . . سيرتك هتكون هواها
والشوق اللي ف خيالك . . . . .. . . تلقاه لحظة لقاها
لو جيت زعلان ف مرة . . . . . . . إرمي همومك وراها
ومهما شوفت بره . . . . . . مش هتشوف مستواها
واطمن يابني خالص . .. . . . عقلها مافيهوش تفاهة
وزي ما هي بنتي . . . . . .. بنت حماتها وحماها


وسألته عن ولادي . . . . . . . . منك هيكونوا إيه؟
قاللي هيكونوا عادي . . . . . . . فسألته يعني إيه؟!
قاللي العادي إللي كان . . . .. . . . عند الناس من زمان
العادي بتاع سراقة . . . . . .. . . وحذيفة بن اليمان
العادي بتاع أسامة . . . . .. . . وابن الحكيم لقمان


ده العادي بتاعنا إحنا . . .. . . . . بنربي عليه عشان
لو جينا ولا رحنا . . . . . . هنقابل الرحمن
عمرك ما تخاف عليهم . . . . . . . . ولادك في الأمان
أنا بنتي هتربيهم . . . . .. . . ع السنة والقرآن
هتشوف ابنك بيصحى . . . . . . . مادام سمع الأذان
ينزل في الفجر يقرا . . . . . .. . . بالسجدة والانسان
هتشوف في حجاب بناتك . . . . . . . . العفة والإحسان
هتشوف إزاي مراتك . . . . .. . . هتعينك إنت كمان


وسألته عن حياتك . . . . . . . من قبل الالتزام
قال أتذكر في ليلة . . . . . . . . مش فاكر أنهي عام
أذان الفجر أذن . . . . . . . وقالتلي سيبني أنام
فدخلت الأوضه جوه . . . . . . .. . أجيب منها الحزام
وعبال ما رجعت تاني . . . . .. . . كات رجعت ف الكلام
الله يجازي الشيطان . . . .. . خلاها تقول أنام
بس اطمن خلاص . . . . . دلوقتي بقت تمام!


قدملي مكة كولا . . . . . . . . قاللي اتفضل وسمي
أحسن من سكة كولا . . . . . . . . صدقني وخدها مني


قلتله طيب ياعمي . . . . . . . يسعدني أقولك إني
بطلب بنتك ونفسي . . . . . . . تناسبني وترضى عني
راح شادد فجأه لبسي . . . . . . وقلب وشه وسألني


حافظ كم جزء يابني . . . . . . . . وقاري كم كتاب
احكيلي كده عن مؤت . . . . . . أوغزوة الأحزاب
وسمع كم حديث . . . . . . . . في الأخذ بالأسباب
وكمان سمعلي آيه . . . . . . . ذكرت فيها الدواب
ولو شايفها صعبة . . . . . . . . قللي بتاعة الذباب
واحكيلي حلم يوسف . . . . . . . . وبراءة الذئاب
واخواته لما جولوه . . . . . . . دخلوا من أنهي باب
واديني فكرة برضه . . . . . .. . بتقبض كم ثواب
وناوي ازاي تحسن ..............أنا شايفك لسه شاب


وسأل نفسه وسألني . . . . . . . . هيعوز إيه يعني مني؟
لو عندي كل حاجه . . . . . . . وديني مش شاغلني
أحسن لك تنسى بنتي . . . . . . . ومهرك مش لازمني
قلتله صبرك ياعمي . . . . . . . . وبراحتك امتحني
يبقى اما أسأل تجاوب . . . . . خليك دايماً فاهمني
سألتك وانت ساكت . . . . . . . . خليتني أظن ظني
وفضل يسأل واجاوب ... . . . . وعشان خاطرك عصرني
وظهرت النتيجة . . . . . . . .. وبفضل الله قبلني


قاللي مقبول في نظري . . .. . . . مبروك عليك ياسيدي
لكن في نظرها هي . . . . . . . . نجاحك مش بإيدي
وهي زمانها راجعة . . . . . . . . من تمرين السويدي
خليك قاعد شوية . . . . . . . . .استنا لما تيجي
هعملك من إيديا . . . . . . . كباية شاي صعيدي


سابني وقعدت أفكر . . . . .. . . . هل ممكن ترفضيني
طاب قولي حتى أفكر . . . . . . . . مش يمكن تفهميني
وفضل مخي يلاعبني . . . . . . . . يجيبني ويوديني
وخايف م المقابلة . . . . . . . . .مرعوب بينك وبيني
ودق الباب في ثانية . . . . . . . وشوفتك مرة تانية
مش قادر أنسى يومها . . . . . . . . وفاكر كل ثانية


ونده والدك عليكي . . . . . . . عشان أول لقاء
دخلتي وشوفت وشك . . . . . . . . . عليه نور الحياء
نور والله فعلاً . . . . . . . . مش نور بودرة وزواء
كان أول مرة أخاف . . . . . . من فتنة النساء
أخلاقك مش عادية . . . . . وجمالك كان شفاء


قعدتي جنب والدك . . . . . . . . وسألتيني وجاوبتك
وفكل مرة أجاوب . . . . . . . . كنت باشوف ابتسامتك
ف أقول من جوه نفسي . . . . . . . . يارب أكون عجبتك
وبعد شوية قمتي . . . . . . . ندهت عليكي مامتك
ورحتي دخلتي جوه . . . . . . . وراح وراكي والدك
وانا قلت مش مروح . . . . غير لما أكون خطبتك


وابوكي جاني تاني . . . . . . . . وقرب من وداني
لابس كرفته سوده . . . . . . . . وبدله لون فراني
المنظر يعني كله . . . . . . . . ميدلش ع التهاني
قلتله مالك ياعمي . . . . . . من فضلك قول عشاني
عرقي غرقلي كمي . . . . . . . سايبني ليه أعاني
قاللي مستني إيه . . . . . . . فين إيدك إديهاني
البنت مش موافقة . . . . . . . تتجوز حد تاني


كان أول مرة أعرف . . . . . . . . إزاي الناس بتفرح
سعادتي كات غريبة . . . . . مش ممكن هقدر أشرح
من كتر حبي ليكي . . . . . . نويت أضحي وادبح
رحت اشتريت خروف . . . . . . وكان خروف بينطح
ده أخيراً هبقى جوزك . . . . وشجرة صبري تطرح


خطوبتنا كات بسيطة . . . . . . . . مكانش فيها زيطة
وفرحنا كان في جامع . . . . . . . يعني مش خلطبيطة
ومامتك جت في يومها . . . . . . ورقعت كام سويطة
هاتولي بنتي منه . . . . . . . دي مش فاهمة العبيطة
إنه هيخطفها مني . . . . . . وهتوحشني الغتيتة


صعبت عليا مامتك . . . . . . . . . الموقف كان شديد
لكن فعلاً خطفتك . . . . . . . ورحنا مكان بعيد
فاكرة ولا انتي ناسية . . . . . . . أكيد فاكرة أكيد
من يوم ما بقيتي زوجتي. . . . . . وانا متهني وسعيد
معايا ف كل يوم . . . . . . . ويوم لؤاكي عيد
عمرك ما دقتي نوم . . . . . . وانا تعبان أو مريض
فلوسي كات بتكتر . . . . . . . والخير عندك يزيد
وعامله ليه دفتر . . . . . . . ومرتبه المواعيد
وبفضل الله قدرتي . . . . . . . وجبتيلي الوليد
وبعديها بشوية . . . . . . . . جبتيلنا عليه يزيد
وبعديه جت سمية . . . . . وآخرهم كان حميد


بدعيلك كل يوم . . . . . . . . . وأفضل أعيد وازيد
ربيتي عيالي دول . . . . . . . . ع القرآن المجيد
طول عمرك وانتي صافية . . . . . قلبك لون الجليد
أخلاقهم مش عادية . . .. . . . . طلعنلك مش بعيد
وليد دلوقتي ضابط . . . . . . . ومعاه رتبة عقيد
ودعوة قلبي صابت . . . . . . . ويزيد أهو مات شهيد
وبنتك صيدلية . . . . . . . . . وحميد أصبح معيد
الله برحم أبوكي . . . . . . .. . راجل من نوع فريد
كل اللي قاله فيكي . . . ... . أنا عشته بالتحديد



عشت معاكي ف حكاية . . . . .. . أحلى وأجمل رواية
حكايتي كات معاك . . . . . .. . . وحكايتك كات معايا
اديتك كل عمري . . . . . . . . . وهمك كان رضايا
وعمرك خدته منك . . . . . . . . . وقربك كان دوايا
وخلاص العمر راح . . . . .. . . . راحت أيام صبايا
ومسافر رحله صعبة . . . . . . . وزادي مش كفايه
مش عاوز أشوف دموعك . . . . . . بالذات ف يوم عزايا
أنا عارف إنتي عارفة . . . . . . إن الموت مش نهاية
دي لسة الرحلة طالعة . . . . . . والموت خط البداية
إدعيلي يمكن أوصل . . . . . . . وأشوف هناك حمايا
أنا عارف إنه فيها . . . . . . . محجوزله هناك سرير


وسلامي في النهاية . . . . . . . أنا خلصت الحكاية
لو يوم فكرتي فيه . . . . . . إقري شعري وغنايا
وأمانه ف كل مرة . . . . . . تدعي لي بالهداية
عسى ربي بدعائك . . . . .. يغفر ليا الخطايا
ALSHARKAWY
ALSHARKAWY
عضو ماسي
عضو ماسي

ذكر عدد المساهمات : 2498
العمر : 32
الموقع : شبين الكوم
العمل/الترفيه : طالب\كلية العلوم
المزاج : الحمد لله
تاريخ الميلاد : 01/06/1991
تاريخ التسجيل : 07/07/2010

الرجوع الى أعلى الصفحة اذهب الى الأسفل

قصيدة زوح لزوجته Empty رد: قصيدة زوح لزوجته

مُساهمة من طرف أسيل الجمعة مارس 11, 2011 4:10 am

قصيده فوق الوصف جميييييييله جدااا جدااا
شكراااا ليك
أسيل
أسيل
عضو ماسي
عضو ماسي

انثى عدد المساهمات : 3132
العمر : 32
الموقع : شبين الكوم
العمل/الترفيه : لا تنتظر الاهتمام من شخص معين ... ولا تتضايق من شخص مهما أسآء إليك... فاجعل كل شخص في مكانه الطبيعي في قلبك... و لا تعطيه أكبر من حجمه في حياتك... لأن الغالي هو الذي يغليك... والحبيب هو الذي لا يجرحك...والصديق هو الذي لا يضرك.. وغير ذلك لا تتعب تفكيرك فيه...هناك أشخاص يجب ألا نمنحهم أكبر من حجمهم .. كي لا نخسر الكثير من حجمنا
المزاج : اللهم ارزقنــــا مــــــا نريــــــد وارزق قلوبنـــــا مــــا تريـــــــد واجعلنا لـك كمــــا تريـــــد
تاريخ الميلاد : 03/08/1991
تاريخ التسجيل : 18/05/2010

الرجوع الى أعلى الصفحة اذهب الى الأسفل

قصيدة زوح لزوجته Empty رد: قصيدة زوح لزوجته

مُساهمة من طرف سراسيرو الجمعة مارس 11, 2011 4:34 am

حلوة اوى اوى اوى اوى اوى اوى
بجد راااائعه
سراسيرو
سراسيرو
عضو مشارك
عضو مشارك

انثى عدد المساهمات : 571
العمر : 31
الموقع : دلوقتى؟..ادام الكومبيوتر!!
العمل/الترفيه : اليأس فاليأس فاليأس
المزاج : هوووووووووووووووووووووووووف
تاريخ الميلاد : 15/11/1992
تاريخ التسجيل : 10/07/2010

الرجوع الى أعلى الصفحة اذهب الى الأسفل

قصيدة زوح لزوجته Empty رد: قصيدة زوح لزوجته

مُساهمة من طرف mera الجمعة مارس 11, 2011 5:51 am

بجد تحفة وجميــــــــــــــــــــــــــلة جداااااااا
تسلم ايديك
mera
mera
مشرفة
مشرفة

انثى عدد المساهمات : 631
العمر : 32
العمل/الترفيه : طالبة
المزاج : الحمد لله
تاريخ الميلاد : 19/01/1992
تاريخ التسجيل : 07/06/2010

الرجوع الى أعلى الصفحة اذهب الى الأسفل

قصيدة زوح لزوجته Empty رد: قصيدة زوح لزوجته

مُساهمة من طرف ALSHARKAWY الجمعة مارس 11, 2011 5:56 am

شكرا ليكو
عامروركم الاروع
نورتو الموضوع
ALSHARKAWY
ALSHARKAWY
عضو ماسي
عضو ماسي

ذكر عدد المساهمات : 2498
العمر : 32
الموقع : شبين الكوم
العمل/الترفيه : طالب\كلية العلوم
المزاج : الحمد لله
تاريخ الميلاد : 01/06/1991
تاريخ التسجيل : 07/07/2010

الرجوع الى أعلى الصفحة اذهب الى الأسفل

قصيدة زوح لزوجته Empty رد: قصيدة زوح لزوجته

مُساهمة من طرف نظرة وداع السبت مارس 12, 2011 1:57 am

روووووووووووووووووووووووعة يا احمد
بجد تسلم ايدك
نظرة وداع
نظرة وداع
عضو ماسي
عضو ماسي

انثى عدد المساهمات : 2559
العمر : 32
العمل/الترفيه : طالبة
المزاج : قول من النهاردة خلاص يا هموم مش هتبكي عيونا في يوم غير دموع الفرحة وبس
تاريخ الميلاد : 20/04/1991
تاريخ التسجيل : 14/04/2010

الرجوع الى أعلى الصفحة اذهب الى الأسفل

قصيدة زوح لزوجته Empty رد: قصيدة زوح لزوجته

مُساهمة من طرف soma الثلاثاء أبريل 12, 2011 3:19 am

جميله جدا جدا
soma
soma
عضو مشارك
عضو مشارك

انثى عدد المساهمات : 589
العمر : 31
العمل/الترفيه : طالبه
المزاج : مزاجي عالي والحمد لله
تاريخ الميلاد : 22/04/1992
تاريخ التسجيل : 10/10/2010

الرجوع الى أعلى الصفحة اذهب الى الأسفل

قصيدة زوح لزوجته Empty رد: قصيدة زوح لزوجته

مُساهمة من طرف سراسيرو الثلاثاء أبريل 12, 2011 5:25 am

والله مش هكدب عليك الشويه اللى قريتهم كانو جامدين طحن واكيد الباقى برده حلو
تسلم اياديك
سراسيرو
سراسيرو
عضو مشارك
عضو مشارك

انثى عدد المساهمات : 571
العمر : 31
الموقع : دلوقتى؟..ادام الكومبيوتر!!
العمل/الترفيه : اليأس فاليأس فاليأس
المزاج : هوووووووووووووووووووووووووف
تاريخ الميلاد : 15/11/1992
تاريخ التسجيل : 10/07/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى