كلية علوم شبين جامعة المنوفية
هذه الرساله تفيد بأنك غير مسجل .

ويسعدنا كثيرا إنضمامك لنا .





*ـ-ـ* بنلف فى دواير... والدنيا بتلف بينا ... *ـ-ـ*

اذهب الى الأسفل

*ـ-ـ* بنلف فى دواير... والدنيا بتلف بينا ... *ـ-ـ*

مُساهمة من طرف mahmoud elesaway في الأربعاء يونيو 20, 2012 12:06 am




محمد
تلميذ في الصف الثالث الابتدائي
يقوم من النوم
علي الشنطة جري
علي المدرسة
يقعد علي الدكة بتاعتة وسط صحابة الاربعين في الفصل
الجو حر او برد
مش فاهم حاجة
كل دماغة في الكورة
يخرج جري علي البيت
ياكل و جري علي الدرس
يتضرب لانة مش مذاكر
يرجع البيت جري عشان يلحق ينام
عشان بكرة عندة مدرسة




و تلف الايام و تدور
و بكرة يجي علية الدور





محمد
طالب جامعي
يقوم من النوم براحتة
مهو سهران طول الليل قدام النت
يلبس و يتشيك مهو رايح الجامعة
و ما ادراك ما الجامعة
ينزل جري يدور علي التاكسي
اصلة اتاخر علي ميعاد ..... المحاضرة
يرجع علي الغدا
رنة علي التلفون
الشلة علي الكافية
ينزل جري عشان يلحقهم قبل ما .... يقوموا
يرجع البيت طالع عينة من كتر ... المذاكرة
ينام
لا طبعا لسة عندة مذاكرة .... علي النت



و تلف الايام و تدور
و بكرة يجي علية الدور




محمد
موظف في الحكومة
يصحي يدوب جري يخطف اي حاجة ياكلها
ينزل جري عشان يلحق الاتوبيس
و دايما بيوصل متاخر
و يجري ورا الاتوبيس حوالي نص كيلو
رغم كدة عندة كرش ... ازاي معرفش
يجري علي سلالم المصلحة
اصلة اتاخر علي .... شغلة
بين شرب الشاي و الجرايد و فوت علينا بكرة
بسرعة خلص شغلة
جري علي بتاع البطيخ
مهو اي موظف مينفعش يدخل بيتة الا ببطيخة
جواز مرور للبيت
ضمان يسكت بيه جهاز الستيريو اللي في البيت
جري علي الغدا
قبل ما يخلص
جري علي السرير
قبل ما يحتل
جري علي القهوة
قبل ما حد غيرة يحجز الكرسي الموقر بتاعة
جري علي البيت قبل ما الشبشب يجهز





و تلف الايام و تدور
و بكرة يجي علية الدور




جري محمد الابتدائي حصل محمد اللي في الجامعة
جري محمد اللي في الجامعة حصل محمد الموظف
جري محمد الموظف حصل كل اللي سبقوة
في مكان معدتش فية جري

و الغريب انو مفيش ولا محمد وقف و قال انا بجري لية
مين اللي بيجري ورايا
دايرة مقفولة
ساقية و بنلف فيها




تصور وسط الجري دة
يوم الصبح كالعادة
طلعت الشمس من الغرب بدل الشرق
تفتكر اي محمد من دول هياخد بالة منها
ازاي
دة عمرة اساسا ما بص ليها


مش فارقة معاها الدنيا شتا ولا حر
دفا ولا برد
نهار و لا ليل
طوبة ولا امشير
مهو علي الجري متعود
حتي لو قطعوله رجليه





كل يوم تسمع احنا في زمن السرعة
ملعونة السرعة اللي بالشكل دة
ملعونة السرعة اللي بتاخد عمرنا من غير ما نحس بية
و لا من غير ما نعمل حاجة فية
مش عاوزها السرعة دي
عاوز ابقي في عصر الديناصورات
بس استفيد من حياتي
اعمل حاجة لاخرتي
بدل ما اقعد اجري
مش عارف بجري من اية ولا ورا اية




ااقف انت
و سيب اللي يجري يجري
فكركويس
جهز نفسك
بص حوليك
و بعدين ابدا امشي
صدقني هتحصل اللي بيجري و تسبقة كمان
وفي الاخر بدل ما تقول
بنلف في دواير .. و الدنيا تلف بينا
هتقول
الله
قد اية حلوة الحياة




وعـجبى
avatar
mahmoud elesaway
عضو ماسي
عضو ماسي

ذكر عدد المساهمات : 1524
العمر : 25
الموقع : http://chemineverthing.ahlamontada.net/
العمل/الترفيه : طالب
المزاج : رايق
تاريخ الميلاد : 12/07/1992
تاريخ التسجيل : 07/02/2011

معاينة صفحة البيانات الشخصي للعضو http://chemineverthing.ahlamontada.net/

الرجوع الى أعلى الصفحة اذهب الى الأسفل

رد: *ـ-ـ* بنلف فى دواير... والدنيا بتلف بينا ... *ـ-ـ*

مُساهمة من طرف دودو في الأربعاء يونيو 20, 2012 7:02 am

للاسف ده الى بيحصل معانا كلنا او على الاقل مع معظمنا كلنا اتلهينا فى الدنيا ونسينا الاخرة.........ربنا يرحمنا برحمته
avatar
دودو

عدد المساهمات : 10
العمل/الترفيه : طالبة فى كلية العلوم
المزاج : الحمد لله
تاريخ التسجيل : 26/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: *ـ-ـ* بنلف فى دواير... والدنيا بتلف بينا ... *ـ-ـ*

مُساهمة من طرف mahmoud elesaway في الأربعاء يونيو 27, 2012 2:50 pm

شكرا دودو على مرورك الكريم
avatar
mahmoud elesaway
عضو ماسي
عضو ماسي

ذكر عدد المساهمات : 1524
العمر : 25
الموقع : http://chemineverthing.ahlamontada.net/
العمل/الترفيه : طالب
المزاج : رايق
تاريخ الميلاد : 12/07/1992
تاريخ التسجيل : 07/02/2011

معاينة صفحة البيانات الشخصي للعضو http://chemineverthing.ahlamontada.net/

الرجوع الى أعلى الصفحة اذهب الى الأسفل

رد: *ـ-ـ* بنلف فى دواير... والدنيا بتلف بينا ... *ـ-ـ*

مُساهمة من طرف eljan في الثلاثاء يوليو 03, 2012 6:40 pm

روعه روعه روعه الموضوع يا حوده موضوع اكتر من رائع
avatar
eljan
مشرف عام
مشرف عام

ذكر عدد المساهمات : 7316
العمر : 26
الموقع : http://ourscience.yoo7.com
العمل/الترفيه : الحمد الله
المزاج : في يوم من الأيام كانت فتاة♥ تجري خلف رجل♥♥ فألتفت لها و سآلها عن السبب قالت الفتاة : لقد رأيت فيك جمال وروعه ♥ ورجوله جذابه ♥ وعقل متزن ♥ وثقل طبيعي ♥ وذكاء ولقد أحببتك فابتسم الرجل ♥و قآل لها انظري خلفك صديقي موجود ♥ انه أفضل مني بكل شي ♥♥ فألتفتت ولم تجد أحد فسألته : أين هو؟ لا يوجد أحد ؟ فابتسم وقآل : لو كنت أحببتني لما التفتي تبحثين عن♥ غيري
تاريخ الميلاد : 01/10/1991
تاريخ التسجيل : 27/10/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: *ـ-ـ* بنلف فى دواير... والدنيا بتلف بينا ... *ـ-ـ*

مُساهمة من طرف sadbird في الأربعاء أغسطس 08, 2012 12:29 am

حلو كتيييييييييييييييييييييير
تسلم ايدك
avatar
sadbird
مشرفة
مشرفة

انثى عدد المساهمات : 3053
العمر : 26
الموقع : انا طائر يخال له ان بلاد الله واسعه ولكنه كلما حلق وطااار وجد الاف الصيادين ينتظرونه برصاصاتهم فرغم اتساع العالم لديه الا انه يحب العيش فى عشه محبوسا على ان يمووووت حرررررررررا طليقاااااااااااا
العمل/الترفيه : student \ music
المزاج : أنآ مآزلت بخِيرْ !! قلبِيْ يؤلمنِيْ قليلا ً.. وَ هذآ لآ يعنِيْ أننِيْ فِيْ حآلٍ سيءْ عَينِيْ تحرقنِيْ و تمتليءْ بِــ الدَمعْ .. لكِننّيْ أدفعْ الدمِعْ الَى الدآخِلْ لَن أبكِي .. مرهَقه جداً لكِننِي أكتبْ .. أفقِد ابتسآمتِيْ لكِننّيْ اتصنّعهَآ مِنْ أجلهِم .. أفقِدْ الكَثيرْ مِنْ وزنِيْ لكِننِيْ مآزلتْ بِ صحّه جيدَه أحتآجَك حدْ الموتْ .. لكِننِي أعِيشْ ..!!!!
تاريخ الميلاد : 15/02/1992
تاريخ التسجيل : 16/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى