حبيبي لانويت أرحل عن جروحك ,, وجيت أروح

أروح لقلبك ( الخالي ) أبي أبكي على ذراعه



حبيبي لا غدى نصفي غريب وضايع ومجروح

ويبقى نصفي الثاني ( يداري ) عنك أوجاعه



حبيبي هو بقى فيني غموضٍ ماانتشى بوضوح؟

غريبه دايم جروحي مع الأحباب.. خداعــه !!



أبي تقرا لي عيوني .. وتفهم في حديث الروح

أنا مو عادتي أحكي ! سكوتي يشرح أوضاعه



ياترى هو عيب فيني؟ ولا ذا طبع الجروح !

نزيف الحرف فــ( لساني ) يزف دموع ملتاعه



تعال إستدرج احساسي وعلمني أصول البوح

أو اتعلم من احساسي .. فنون الصمت وابداعه



إذا أقبلت لي أشعل من آلامي فرح ومزوح

وإذا أبعدت عن عيني .. أصير لفرحي ولاعه !



أبي تعرفني ياقلبي (أموت)ولاأشتكي وأنوح

أسير بـمركبي وحدي .. لو متواكل شراعه



حبيبي لانويت أرحل عن جروحي وجيت أروح

أروح بعيـــــد عن قلبك..أخاف أزود أوجاعه

منوره يا كريزي تسلمي