نفسى فى صنف حشيش
ينمل الدماغ وينضف النغاشيش
علشان انسى طابور العيش
واخش فى الغيبوبه وانسى مشكلة الانبوبه
وانسى بلدنا المنهوبه
وابقى مسطول
وانسى اى مسئول
من اللى سابوا الناس فى السيول
وانسى ان نظيف اتجوز وبقى بيعول
وانسى مجلس الشعب وفتحى سرور
وانسى البرادعى وايمن نور
وانسى شوبير ومرتضى منصور
وانسى تعديل الدستور
وانسى اللى ساكنين فى القبور
وانسى انفلونزا الطيور
وانسى مشاريعنا الفاشله
فى توشكى وابو طرطور
واخش فى الاستهبال وانسى تصدير الغاز
واحناعندنا ازمة بوتاجاز
وانسى الاضطهاد واللى بيحصل للاقباط
وانسى قطر العياط
وانسى قطر الصعيد
وانسى احمد عز واحتكار الحديد
وانسى زحمة المواصلات
وانسى الانتخابات
وانسى فتاوى الفضائيات

وانسى العشوائيات
وانسى فشل التعليم
وانسى هشام طلعت وسوزان تميم
وانسى الاهرام وانسى الاخبار
وانسى انه خلى بلدنا افقر من زنزبار
وانسى المعارضه وانسى الاحزاب
وانسى تامر حسنى وعمر دياب
وانسى مشكلة النقاب
وانسى ارضاع الكبير وشرب بول البعير
وانسى انفلونزا الخنازير
وانسى اوربا وامريكا وانسى الصين
المتقدمين عننا بسنين
وانسى البيت بيتك و تامر امين
وانسى ان كيلو اللحمه بقى بتمانين
وانسى اننا فى الزباله غرقانين
وانسى الماده سته وسبعين
والماده سبعه وسبعين
وانسى فريق الساجدين
وانسى الزمالك والاهلى
وانسى اليسا وهيفاء وهبى
وانسى الفول والطعميه
وازهى عصور الديموقراطيه
وجامعة الدول العربيه
والجماهيريه الليبيه
والكفيل فى السعوديه
وانسى بطرس غالى و الضريبه العقاريه
وانسى الطلعه الاولى الجويه
والمصالحه الفلسطينيه

وانسى فتح وانسى حماس
وانسى هنيه ومحمود عباس
وانسى العراق وافغانستان
وانسى ايران و انسى باكستان
وانسى الاخوان
وانسى محمد ابراهيم سليمان
وانسى ان حد من التمانين مليون يطلع كسبان
وانسى انى مديون
وانسى ان كل واحد بيعتدى على كنيسه
بيطلعوه مجنون
وانسى كل ممثله حيزبون
بتاخد فى المسلسل كام مليون
وانسى ايامنا السوده
واحضان طنطاوى والبابا شنوده
وانسى القذافى والبشير
وانسى كل ملك وكل امير
اللى حاكمين من سنين
من غير تغيير
وعلشان اعرف ان الصنف كويس
لازم ارشح نفسى وابقى الريس

بس لازم تعرفوا ان انتوا اكيد اكيد فى مصر

ايه الموضوع الغريب ده حشيش مرة واحدة كمان

انتى قرأتيه لاخره ولا اول سطريين وخلاص
اصل التوبيك ده فيه بلاوى وكمان فى حاجات كتير متشاله منه اللى كاتبه ممكن يروح ورا الشمس ع فكره
بس بجد جايب كل فضايح مصر

انا قراته كله مو اول سطرين بس هو فعلا مليان بلاوى وانا هبلغ عنك عشان تروح ورا الشمس زى ما بتقول انت اللى دخلت فى السياسة ما كفاية عليك الحملة بتاعتك ولا يلا عشان البنات تبقى ضدك والحكومة كمان

طيب الحكومه انا اقدر عليها
لكن البنات ان كيدهن عظيم مقدرش يا بنتى
وبعدين خلاص انا بقيت بحب البنات خلاص حرمت يا باشا

د انا ماسح منه حوالى نص صفحه

بس ايه رايكوا لو رشحت نفسى وبقيت الريس
والله لاظبطكوااااااااااااااااا

هشتكنا وبشتكنا يا ريس دا انت ريس والنعمه كويس
ده هيبقى الشعار ان شاء الله وهى الانخابات قربت
هبقى رمز الشيشه ان شاء الله

البرنامج
هاجيب لكل واحد بى ام
وربع مليون جنيه
وهاغير الوزاره خااااااالص
وهاحتل اسرائيل
وهاقعد اوباما فى بيتهم
هاخلى اى طالب يدخل الكليه اللى هو عاوزها مفيش ثانوى عام ولا حتى ثانوى غرق
الكليات انتوا هتختاروا كل سنه رئيس للقسم بتاعكوا وانتوا هتتختاروا موادكوا وكمان دى الجديده الدكاتره والمعيدين اللى يدرسوا المواد دى
وهامنع البانجو بس هاسيب الحشيش عشان مش يتقال عليا ددكتاتور
وهابنى مستشفى عامه فيها كل الامكانيات الالمانيه المتطوره
والدكاتره هتكون من المانيا عشان لما ابقى الريس واتعب مش اسافر اعمل المراره ورئيس الوزا يسرق البلد وانا بره

ايه الكرتون الى انتى عايشه فيه ده وشغل العيال الصغيره ده
انا بعد كده هاحط صور للريس
ع فكره صوره البنت اللى انتى حاطاها شبه بنت عمتى اوى
وبنعقد نقولها كده بس هى مش مقتنعه

ايه يا ابنى دا كله وبقيت ريس كمان وكل اللى
هتعمله ده من الصندوق ولا ايه والله لوحتى
بقيت ريس عمرك ما هتعمل اى حاجة اهه كلام
فى كلام اقولك حاول واحنا هنرشحك بس بجد مو
هزار وخلى بالك ان ساعتها البنات هى هتبقى السبب
انك تنجح

لالالالالالالالا
انا برده بحب افلام الكرتون جدا
بس مش كل الكرتون خلينى نعيش فى الصور الحقيقيه شويه

متقلقيش هايعتقلوكوا ولما ابقى الريس هاطلعكوا
او هاطلع الولاد واخليهم وزراء والبنات هاطلعهم بردوا بس مش مقتنع ان البنات ممكن تبقى مسؤله عن حاجه
غير الماليه
هاعين كل البنات اللى فى المنتدى فى وزاره الماليه لان لو اى راجل مسك وزاره ااماليه البلد كلها هتشحت بعد يومين

نايس توبيك حودة
بس انت اول ما تمسك وتبقي الريس عيني نا النائب بتاعك علطول ومتخفش مش هقتلك وامسك رئيس جمهورية بدالك
ولو بجد بنت عمتك شبة اللي في الصورة يبقي انت تحجزهاللي من دلوقتي

للاسف يا ميزو مخطووبه من دلوقتى

للاسف يا ميزو مخطووبه من دلوقتى