من هنا اجعل موضوعك تحفه فنيه لاجبار المشاهد على قرأته كاملا

من طرف mony الجمعة أغسطس 20, 2010 6:41 am

لما الساعة تدق 12 .. بيبتدي يوم جديد ..
اللي بالنسبة له حزن .. و اللي بالنسبة له عيد ..
يعني الدنيا هي هي .. و الزمن هو الشهيد ..
يعني كل حاجة واضحة .. خلي ارادتك من حديد ..

هحكيلكو حكاية واحد .. كان اقرب صاحب ليا ..
الدنيا و الايام .. مكنتش معاه هي ..
كان حلمو يعمل حاجة .. و بيكره الأذية ..
لــــكن الدنيا مبترحمش .. و الناس كلها ملهية ..

لما ابتدى يبان عليه .. انو عيان شوية ..
اهله مهتموش .. و قالولو روح اشرب مية ..
المشكلة مكنتش سهلة .. دي كانت قضية ..
كان عندو مرض جامد .. و الاعراض كانت مخفية ..
لما رحت سألت عليه .. قالولي بيعمل عملية ..
لما رحت تاني يوم .. قالولي اتأخرت شوية ..
و فــــي حياتــــك البقيـــــة ....

طوف و شوف .. تلقى الألوف ..
واقفين صفوف .. و الدوور عليـــنا ..
طوف و شووف .. تلقى الألوف ..
حاسين بخووف .. عشناه في ماضينا ..

القسوة في التربية .. بتولد الانحراف ..
مبتكلمش على نفسي .. اصل اهلي كانو لطـــاف ..
كان عندي واحدة اعرفها .. من اهلها كنت بخاف ..
اصل دايما كان بينهم .. 100 خلاف ..

و فات سنين كتير .. و قابلتها في الشارع ..
كان شكلها متغير .. و لبسها كان خــالع ..
قالتلي انا سبت البيت .. بقالي سنتين ..
و اعدة عند صحابي .. في المهندسيــن ..

قلتلها و الجامعة .. و الدراسة راحو فين ؟؟
قالتلي مش مهم .. هبقى افكر بعدين ..

طوف و شوف .. تلقى الألوف ..
واقفين صفوف .. و الدوور عليـــنا ..
طوف و شووف .. تلقى الألوف ..
حاسين بخووف .. عشناه في ماضينا ..

مش عارفة ابتدي منين .. في قصة حسنين ..
كان عندو اخ واحد .. و اهلو منفصلين ..
بيقولو كان متدلع .. اصلو آخر العنقود ..
و عندو فلوس كتير .. و الصرف ملوش حدود ..

لحد ما جه اليوم .. اللي ابوه مات فيه ..
و بان كره اخوه .. اللي كان مخبيه ..
قال عليه مجنون .. لازم يخش مصحة ..
كان همو بس يورث .. و مبادؤه دبحها ..
و الباقي اكيد معروف .. مش محتاج كلام و حروف ..

الدنيا بقــت غابـــــة .. و الغريب بقى شيء مألــــوف ..
و لســـــــــــــــة ياما هنشــــــوف ..

طوف و شوف .. تلقى الألوف ..
واقفين صفوف .. و الدوور عليـــنا ..
طوف و شووف .. تلقى الألوف ..
حاسين بخووف .. عشناه في ماضينا ..