في يوم من الايام وانا قاعد على شط النيل
لقيت ضفضع صغير قاعد زعلان ذليل
قولتله مالك يا ضفضع يا حلو انت يا جميل
قالي سابتني لوحدي انا وسواد الليل
الكلبه هربت مني مع ضفضع قد الفيل
صعب عليا قوي فا رميته وسط النيل
وسبته وروحت البيت شربت جنزبيل


وفي يوم تاني برضه نزلت شويه مشاوير
قابلت واحد صاحبي ماشوفتوش بقالي كتير
قولتله ازيك يا وااااااد تصدق انك حقير
مابتسألش يعني وعاملي فيها كبير
واتنرفزت عليه وضربته من غير تفكير
ومن كتر الضرب انجرح جرح خطير
سبته وقمت جاري زي الحمام مابيطير
وروحت البيت بسرعه ونمت على السرير


صحيت في يوم الصبح لقيت الدنيا ضلمه
برقت واستغربت ومانطقتش ولا كلمه
وقمت من السرير وصرخت وقولت ياماااا
ردت ماما بحنيه "عايز ايه يابن الصرمه"
قولتلها الحقيني شكلي بقيت اعمى
قالتلي بكل لهفه وصوتها نبرته ناعمه
ياريت يا حبيبي والله دي تبقى نعمه



بسبوسه وكلتها مش عارف جايه منين
انا قولت في وقتها فين الكنافه فين
لقيتها جنبها ببركه دعا الوالدين
قمت ظلتها واهو كله فيتامين

البت سمره وخدودها حمره
لقيتها ماشيه كده ناحيه غمره
مشيت وراها اديها النمره
فاقابلت واحد قد البقره
لقيته جاي عليا والشر في عينيه
وبيقولي انت يلا ماشي وراها ليه
لسه هافتح بقي ضربني برجليه
وقالي انت جزمه امشي من هنا يا سفيه

صحيت في يوم الصبح لقيت الدنيا ضلمه
برقت واستغربت ومانطقتش ولا كلمه
وقمت من السرير وصرخت وقولت ياماااا
ردت ماما بحنيه "عايز ايه يابن الصرمه"
قولتلها الحقيني شكلي بقيت اعمى
قالتلي بكل لهفه وصوتها نبرته ناعمه
ياريت يا حبيبي والله دي تبقى نعمه

ههههههههههههه جامد جدا الشعر دة
تيلم ايدك يا محمود

ههههههههههههههههههههههههههههههههههههه
منوره يا نظره
هو الشاعر اكيد والله كان بيصتبح

ههههههههههههههههههههه جميل جدا جدا.
شعر جامد اخر حاجة.هههههههههههههههههههههههههههههههههههههههههه

ثانكس سيمو
والله فرحان ان الشعر عجبك

هههههههههههههه
شعر اخر حاجه
تسلم ايدك

يا اخوانا بقولك كان بصتبح انتوا مش مصدقين ليه

ههههههههههههههههههههههههه
تحفه والله
تسلم ايدك يا محمود

هههههههههههههههههههههه
مافيش اجمل من كده شعر
جمييييييييييييل جداااااااااا

هههههههههههههههههههههههههههههههههه
اه فعلا كان بيصتبح ويعلى دماغة
بس جامد اخر 3 حاجات
تسلم ايدك

يا بوسى والله كان فعلا بصتبح