يا جماعه انا كان ليا واحد صحبى من ايام الاعدادى وصحبى لحد النهارده
مش عاوز اكذب عليكوا
بس انا كنت ساعات بحتاجه عشان مصلحه
وساعات بجد بكون مخنوق ومش بلاقى غيره اشكيه
بس طبعا الكليات اختلفت واصحاب جداد اتعرفت عليهم طبعا
الصله بينا قلت وجاى بقوله كل سنه وانت طيب عشان العيد وكده طبعا قابلنى برد مش لطيف حاسيت ان هو زعلان
وبعتالى التوبيك اللى هنزله ده
من عوايدى انى كتوم مبحش حد يعرف حاجه عنى وعن مشاكلى غير نفسى واصحابى القريبين اوى وزى ما قولت هو مش اصحابى القريبن دول
ام هند
قالى انت زى السراب
انا طبعا محتاس لعين امى ويمكن زنون اللى ع الاقل عارف شويه عن الحوسه اللى انا فيها وميزو لسه حاكيله من شويه كمان
ام هند تانى
االى عاوز اقوله
ياريت كل واحد ياخد باله من اصحابه اللى حواليه ويعرف مين بيحبه ويحاول يقربله لانى واثق ان
محبه الناس دى كنز كبير اغلى من اى حاجه مع انى بحب الفلوس زى عينا بس برده احب انى اكون محبوب
بس ظروفى تحصل طبعا تبعد عنى اصحابى ويكلمونى بلاسلوب ده حاجه صعبه
هو انا مش عارف اوصلكوا اللى انا حاسه بس بجد انا مضايق جداااااااااا
وشكلى هاشيل موضوع الجواز ده من دماغى عشان الظروف الاقتصاديه
بلاش نجيب سيره ام هند لهند تزعل

بسم الله الرحمن الرحيم

انواع الاصدقاء:

صديق يسعدك:
يشعرك وجوده بالراحه يستقبلك بأبتسامه ويصافحك بمزح يجمع تبعثرك ويرمم انكسارك ويشتري لك لحظات الفرح ويسعي جاهدا الي اختراع سعادتك

وصديق يتعسك:
يبيعك التعاسه بلا ثمن ويقدم لك الحزن بلا مقدمات تفوح منه رائحه الهم فلا تسمع منه سوي الأه ولا تري منه سوي الدموع ينقل اليك عدوي الألم وتصيبك رؤيته بالحزن

وصديق يرممك:
ينتشلك من ضياعك ويأتي بك الي الحياة يمنحك شهادة ميلاد جديده وقلبا جديدا ودما جديدا وكأنك أتولدت مرة اخرة

وصديق يهدمك:
يمارس دور الذنب في حياتك يبتسم في وجهك ويخفي مخالبه عنك يثني عليك في حضورك ويأكل لحمك ميتاا أذا غبت

وصديق يخذلك:
يتعامل معك بسلبيه يمارس دور المتفرج عليك يتجاهل ضياعك ويسد أذنيه أمام صرخاتك وحين يحتاجك يسعي اليك بشتي الطرق وحيت تحتاجه يتبخر كفقاعات الماء وصديق يحذرك..
يسيطر عليك.. يحركك بأرادته يحصي عليك أنفاسك يتفنن في تمزيقك فلا تشعر بطعناته ولا تصحو من غفوتك الا بعد فوات الأوان

وصديق يستغلك:
حولك الي فريسه سهله يجيد رسم ملامح البؤس علي وجهه يمد لك يده بلا حاجه ويتفنن في سرد الحكايات الكاذبه عليك يمنح نفسه دور البطوله في المعاناه ويرشحك لدور الغبي بجداره

وصديق يحسدك:
يمد عينيه الي ما تملك ويتمني زوال نعمتك ويحصي عليك ضحكاتك ويسهر يعد أفراحك ويمتلي قلبه بينك وبينه فيحترق نعم يحترق ويحترق لأنه يريد ان يقك بحسده

وصديق يقتلك:
يبث سمومه فيك يقودك الي مدن الضياع يجردك من انسانيتك ويزين لك الهاويه ويجردك الي طريق الندم ويقذف بك حيث لا عوده ولا رجوووع ولا رجوع

وصديق يسترك:
يشعرك وجوده بالامان يمد لك ذراعيه يفتح لك قلبه ويجوع كي يطعمك ويظما كي يستقبلك ويقتطع من نفسه كي يغطيك

وصديق مثل السراب:
كلما أقفيت عنه ناداك تعالي وكلما أقبلت عليه عزم بالرحيل وكل يوم له حال جديد مره قريب ومره بعيد تريده يقف بجانبك وقت الضيق فقط دون عمل أي خدمه لا تجده وأذا علم أنها مرت هذه المرحله الصعبه بسهوله قال لم تخبرني عن حالك ول علم بحالك لتجاهلك وكأنه لم يسمع أي خبر عن حالك وهو يتابع أخبارك أول بأول...
فأي صفحه من الصفحات أنت ؟؟

فعلا يا حوده كلامك بجد حكم

ربنا يقويك يارب

وحاول تتقرب ليه تاني ورتجع معاه احسن من الاول

صديق يسعدك:
يشعرك وجوده بالراحه يستقبلك بأبتسامه ويصافحك بمزح يجمع تبعثرك ويرمم انكسارك ويشتري لك لحظات الفرح ويسعي جاهدا الي اختراع سعادتك
.........................................
وصديق يسترك:
يشعرك وجوده بالامان يمد لك ذراعيه يفتح لك قلبه ويجوع كي يطعمك ويظما كي يستقبلك ويقتطع من نفسه كي يغطيك
..................................


ربنا معااااااااك يامحمود وحاول بقدر الامكان انك تعمل المستحيل علشان ترجع انت
وهو زى الاول واكتر كمااان لان الصديق الكويس مش بيتعوض اليومين دوووول
بس انت غلطان فى انك بعدت عنه فترة حتى لو الظروف حكمت
كان ممكن تسال وتطمن عليه حتى لو مجرد تليفون لمدة دقيقة
المهم انك تحسسه بقيمته عندك

بس ياريت مش تزعل من كلامى ده
ربنا معاك ان شاء الله

لا ده هو فضل ما يصاحبنيش تانى لانى سراب
حساس هو اوى بروح امه
ما علينا يومين كده وهابقى اكلمه
وكمان انتى يا كول ما تعرفيش انا كنت تقريبا 4 ايام فقى الاسبوع بطلع من البيت الساعه 2 بليل وارجع ع الفطارتانى يوم
وباقى الاسبوع فى الكليه
واعقد ساعه ولاحاجه ع النت مفضتش غير يوم الاتنين اللى فات
اتفجأت لاقيت عندى امتحانات يوم الاربع والخميس وكمان عندى امتحان كهرو الاربع الجاى وانا اقسم بالله معرفش اى حاجه
وكنت بدخل امتحن كده ع ربنا
وكمان انا من النوع اللى بهتم بالموبايل اوى يعنى اكتر الاوقات بقفله وساعات بنزل وبسيبه فى البيت عشان مبحبوش

كلمه واشرحله ظروفك وعرفه ان الكلية بتاعتك صعبة
ومفيش وقت لاى حاجة
وان شاء الله ترجع المياه لمجاريها


وبعدين الوقت اللى بتطلعه ده كله بترووووح فين؟؟
كدة وقت كتير قوووى

حاول يا محمود تتقرب ليه اكتر من كدا
حتى لو هو زعلان دلوقتى هيلاقى من كتر ما انت بتسال عليه
انه هو اللى غلطان فى تقيمه ليك
وحاول برضو تشرحله ظروف امتحاناتك والكليه
وانك كان نفسك تقربله اكتر من كدا
وربنا يوفقكوا ان شاء الله

ربنا يسهل

جميل يا محمود
حاول انت بس تقربله تانى وان شاء الله علاقتكو ترجع زى الاول واحسن
فعلا يا محمود الصداقة دى اهم شئ فى الدنيا

جميل الموضوع يا حوده
ويا رب ترجعوا لبعض وتكونوا اصحاب ذي الاول واكتر

وصديق يسترك:
يشعرك وجوده بالامان يمد لك ذراعيه يفتح لك قلبه ويجوع كي يطعمك ويظما كي يستقبلك ويقتطع من نفسه كي يغطيك

انا باة الحمد لله صحباتى الاتنين من النوع دة
صح يا نظرة هههههههههه
حاول تانى معاة يا محمود وخيركم من يبدا بالسلام باة بالكلام ابدا واعمل الى عليك وارضى ضميرك
وسيبك من الفلوس هههههههههههه

لالالالالالالالالالالالالالالالالالالالالالالا
لازم الفلوس امال هانعيش ازاى
مش مقتنع انا بقصه الفليم بتاع
eat pray love
لازم الفوس عشان نعرف ناكل وبعدين نبقى نكمل الفليم ده

الصداقة مهمة جدا وعشان كدة حاول تصلح اللي بينكم وهو هيسامحك
ربنا يصلح الحال

ان شاء الله يا اميره
هحاول