واحد سألنى عايز تموت ازاي؟؟؟؟؟

عاوز تموت شهيد ؟يا تركب طيارة – يا تركب عبارة

عاوز تموت من الجوع؟يا تشترى شقة – يا تشتري عربية بالتقسيط

عاوز تموت من الحسرة؟يا تتفرج على الفاترينات فى سيتى ستارز- يا تروح زيارة لمارينا

عاوز تموت من الغيظ؟يا تتفرج على القنوات المحلية – يا تتفرج على النشرة الجوية

عاوز تموت من الزهق؟يا تستنى القرعة تفتح – يا تستنى دورك فى طابور التأمين الصحى

عاوز تموت من الهبل ؟ياتخش على النت- ياتسمع نجوم الاف ام

عاوز تموت مخنوق؟يا تروح مصلحة حكومية – يا تقرأ الجريدة اليومية

عاوز تموت مفروس؟يا تركب تاكسي العاصمة- يا تشترى طبق دش

عاوز تموت مرعوب؟يا تستنى نتيجة الثانوية العامة- يا تستنى نتيجة تحاليلك عند الدكتور

عايز تموت مسموم ؟كل من الفاكهة والخضار اللى فى السوق

عاوز تموت مشهور؟يا تتجوز رقاصة – يا تنصب على بنك

عاوز تموت مليونير؟يا تعمل فيديو كليب- يا تلعب كورة

عاوز تموت ورا الشمس؟يا تشغل مخك – يا تفتح بقك

عاوز تموت من الحزن؟يا تفكر دايما فى احوالك – يا تحط الحكومة فى بالك

عاوز تموت فى حالك؟اعمل نفسك دايما ....... مش واخد بالك









منقول عن دكتور امين

انا قولت ان اروش موته موته ربنا
مش بقى ازاى

اتمنى حسن الخاتمه

تسلم ايدك

يابنى احنا كدة كدة ميتيين باللى جوانا من حزن
يعني مش فارقة
وبعدين الموت حاجة كويسه جدااااااااااا ومش وحش

بس نموت موته ربنا بدل ما نموت بحسرتنا يا كادو

كادو..........؟؟ مين كادو انا يعني ولا ايه ههههههههههه
صح موتة ربنا احلى واحسن بكتير

متخديش فى بالك انا مهيبر شويه اصلى كنت بذاكر كهرو
وهى فعلا اروش موته موته ربنا

ربنا معانا ياااااااارب
ومعاك فمذاكرتك

يااااااااااااااااااااااااااارب

ههههههههه لا خلينا فى موتته ربنا


تسلم ايدك يا محمود

عاوز تموت مخنوق؟يا تروح مصلحة حكومية – يا تقرأ الجريدة اليومية

دي بقي لورت تمتحن في ادراااااره الجامعه

بس موته ربنا طبعا احسن حاجه
تسلم ايدك يا محمود

منورررررررررررررررررررررررررين