اعتدنا دوما أن الامرأه هي التي تذرف الدموع لأجل من احبت ولأجل الحب..
المرأه هي التي تعمل جاهدة للحفاظ على حبها المرأه هي التي يطرق باب قلبها للحب أكثر من الرجل..المرأه تذرف دموع حبها لوفائها ..ولكن ماهو رأيكم بالرجل الذي يبكي لأجل الحب؟

الحب شيء رائع وعاطفة قوية
تربط بين روحين
يتجسد الحب في معاني الشوق والوله
والتضحية والثقة المتبادلة بين الطرفين

ولكن؟
اختلف الحب في هذا الزمان
وأصبح من النادر
ان تجد شخصا قويا في حبه
شخصا يبادلك الحب
لأجل المشاعر الحقيقة شخص يضحى بكل شئ لاجل الحب يتحدى العالم من اجل سعادته مع من احب

سؤالي للجميع
ما رأيكم بالرجل الذي يبكي لأجل الحب؟

هل هو اذلال لقيمة الرجل ونقص في رجولته وهذا فى الاغلب راى معظم الرجال؟
ام انها قمة الرجولة ؟

وهل يدافع عن دموعة لأجل كبريائه؟

وما هو موقف الأنثى من الرجل الذي يبكي لأجل الحب؟

وموقف الرجل هل ممكن ان تبكى لاجل حبيبتك؟؟؟
اتمنى الموضوع يعجبكم

حلو اوى يا اسراء
بصى الدموع عمرها ما كانت ضعف ولا هتكون
وبعدين احنا بشر يعنى
بس الرجل اما يفكر يبكى يبكى مع نفسه مش قدام حد عشان صورته متنهزش قدام الناس يعنى زى منتى عارفة الناس بتقول الراجل ميبقاش راجل لو بكى وطبعا دى ناس متخلفة
المفروض الواحد يكون عنده احساس مش جبله وبعدين الدموع مش عيب
بس برده منبكيش على اى حاجة والسلام
لازم تكون حاجة تستاهل
يلا كفايه كده واسيبك تشوفى اراء الاعضاء

انا من راي اسما الرجل الذي بلا دموع مش انسان

انا شايف ان الرجل بشر يعنى البكاء دا شئ طبيعى بس الرجل مبيحبش يبين اى ضعف منه قدام حد علشان نظرة المجتمع

للرجل الى يبكى بتتفسر على انها ضعف

جميل الموضوع ده تسلم ايدك

جميل الموضوع
و الراجل برده بني ادم بيحس وعنده شعور واكيد بيعيط لأ ومش بيعيط وبس ده كمان بيذرف الدموع برده
و البكاء عمره مينقص من قيمة الراجل لو بكى من خشية الله او شاف موقف انساني مهو برده لازم احاسيسه تحرك ويعيط
ولو فارق حبيب برده بيعيط و الناس بتفهم وقت البكاء وتفسره في الوقت اللي بيبكي فيه يعني دموع الراجل مش عيبه خالص و لا بتنقص من هيبته حاجه خالص
واقرب مثال لما توفي حفيد الرئيس مش كان ابنه علاء و جمال بيعيطوا ده نقص منهم حاجه ولا الناس قالت دول مش رجاله دي بتتوقف ع الموقف اللي بيعيط فيه الراجل

ههههههههههه
فى كلمه كنت بسمعها من بابا وانا صغير كنت كل ما اعوز حاجه اعيط عشان يجبهالى
كان بيقولى مفيش راجل ييعيط
بس دى حاجه عاديه الواحد بيزعل بس بيقدر يكتم زعله ده جوه منه مفيش حد ينفع يعيط
بس فى مواقف حصلت كنت بدمع غصب عنى