ابو لمعة : شوف يا خواجة، وانا فى آخر رحلة ليا

فى الاسكيمو، كنت لابس الجلابية الدبلان

المخططة بتاعة اخويا شلبى، ما أنت عارفها ، ومقيّل تحت شجرة

جيلاتى ! بيني وبينك انا نمت وانا فاتح بُقى

علشان اول ما حتة جيلاتى تستوى، تقع فى بُقى

على طول، بس لجل البخت الاسود، تعبان شاف

بُقى مفتوح افتكره جحر راح داخل فيه





الخواجة بيجو: دا اكيد تعبان صغير بقى اللى عرف

يدخل فى بُـقــك ده





ابو لمعة : صغير مين يا خواجة، ده طوله 700 متر

!


الخواجة بيجو : يا سلام، دخل التعبان اللى طوله

700

متر فى بُـقـك وانت نايم من غير ما تحس ولا

تصحى؟




ابو لمعة: لأ ما انا صحيت فى نصه كده، لقيت ده

داخل فى بطنى قعدت اشد فيه وهو يتزفلط اشد

فيه وهو يتزفلط، لحد ما دخل كله جوه بطنى

!


الخواجة بيجو : يا خبر ابيض، وعرفت تطلعه؟




ابو لمعة : ابدا وحياتك، عملت البدع علشان اطلعه

ما فيش فايدة، آخر ما غلبت رحت قالع ونازل له

!


الخواجة بيجو : نازل له فين؟



ابو لمعة : فى بطني ! وهو شافنى نازل راح

واخد ديله فى سنانه وطالع يجرى، وانا وراه

يدخل يمين ادخل وراه، يدخل شمال برضه وراه،

لحد ما وصل بيت الكلاوى، راح داخل البيت وقفل

الباب على نفسه

!


الخواجة بيجو : طبعا ماعرفتس تدخل وراه . ورحت

مروّح
.



ابو لمعة : لأ، اروّح ازاى، انت عارف تحت بيت

الكلاوى فاتح واحد حلاق، قلت اخش اخد دقنى

واستنى التعبان لما يخرج، نص ساعة كده ولقيته

مطلّع راسه من الباب، بص يمين بص شمال

ماشافنيش راح متسحب خارج، رحت خاطف

الموس من ايد الحلاق وهاجم على التعبان،

شوف يا خواجة، هى ضربة واحدة بالموس

قسمته نصين

!


الخواجة بيجو : بضربة واحدة قسمت التعبان الـ700متر؟



ابو لمعة : بالطول وحياتك

ههههههههههههههههههههههههه
جمييييييييييييييييله جداااااااا

هههههههههههههههههههههههه
ههههههههههههههههههههههههههههههههه
مفهمتش حاجة بصراحة
هو التعبان دخل فين وطلع منين
ههههههههههههههههه

شكلك يومك جه والله

فى بوقه ( الفم يعنى )
انا برضه وانا بقرأه كنت محتار يعنى ايه بقه دى ركزى بس وانتى هتضحكى بجد
انا بموت فى الخواجه بيجو دا
كل يوم الصبح ع الرديو بصحى اسمعه وانام تانى وبعدين اصحى اروح الكليه

ههههههههههههههههههههههههههههههههههههههههههههه
ويا ترى بعد ما موت التعبان طلعه ولا سابه جوه

ههههههههههههههههههههههه
حلوة اوى
تسلم ايدك

هههههههههههههههههه
التعبان معرفش والله

هههههههههههههههه ابو لمعة فعلا

جميلة اوي تسلم ايدك يا محمود

ههههههههههههههههههههههههههههههههههههه
لا انا بحب الخواجه اوى ع طول بيستغرب
مع ان ابو لمعه بيقول كلام معقول جدا

ههههههههههههههه
جامدة موووووووووت يا محمود
تسلم ايدك

ههههههههههههههههههههه
جميله

snx asd & shrqawey