من هنا اجعل موضوعك تحفه فنيه لاجبار المشاهد على قرأته كاملا

من طرف bosycat الأحد نوفمبر 28, 2010 3:52 am

هوة العمر اية ؟؟ غير مذاكرة وشوية حاجات فوق بعض!!! 1Bv86855

ليه البني ادم بيذاكر؟
عشان يمتحن..

وليه البني ادم يمتحن؟
عشان يدخل مرحله جديده ..ويذاكر فيها برضو ..

طب ولما يدخل المرحله الجديده يعمل ايه؟
يذاكر بقي عشان يوصل للي بعدها!!

مين اللي اخترع المذاكره؟
اكيد واحد كان بيحب يذاكر..

ومين اللي اخترع الامتحانات؟
واحد كان عايز يغيظ اللي بيحب يذاكر..

ايه الفايده من المذاكره؟
انك تخلص اقلام وورق وتشخبط ف الكتب وتعمل دواير عند الكلمات المهمه

وايه الفايده من الامتحانات؟
انك تملي ورق الحكومه وتوريهم جمال خطك

طب وهو لازم اذاكر؟
في الوقت الحالي مش لازم..بس اكيد لما تعيد السنه هتبقي عيل وترجع ف كلمتك

ليه الدكاتره بيدونا كتب ف الكليه؟
عشان نلاقي حاجه نشخبط فيها

طب وليه بيقرروا علينا مواد سخيفه؟
عشان وانت بتشخبط تشخبط بضمير

طب مهو ممكن بعد كل ده اشيل الماده؟
مانت شخبطت للدكتور ف كتابه..عايزه يسكت..قله ادب

طب اعمل ايه عشان انجح؟
امسك ورقه الاجابه وارغي

ارغي ف ايه؟
مش مهم..المهم تبقي مسطر وخطك نضيف واول سطرين كده تبع الموضوع اللي بيتكلموا فيه والباقي انت ومزاجك

طب والرغي ده مش حرام؟
يعني هو اللي بيقرروه علينا ده مش حرام

طب هو مين اللي بييجي الاول ..المذاكره ولا الامتحانات؟
يعني هو التعلب بيبيض ولا بيولد؟

لا بس التعلب مكار ممكن يعمل اي حاجه
والامتحانات كذلك..!

كانت شويه اسئله بحاول الاقي بيها سبب يخليني اذاكر

اكتشفت ان البني ادم بيقضي جزء كبير من حياته ف الشيء اللي اسمه مذاكره..اسمحولي اعامله بنوع من الاحتقار..
مذاكره ايه بس وكلام فارغ ايه..هو احنا فاضيين
طب انا راضيه ذمتك
يعني الواحد يصحي م النوم ع الساعه 12 ونص 3 كده يادوب يغسل وشه ويضرب النسكافيه المتين هوب الساعه بقت خمسه ..وانت لسه يا عيني علي لحم بطنك..ف طبيعي تروح بصفاقه كلب البحر تدور علي اكل..

غالبا هتسمع كلمتين وهتعمل عبيط وكأنك مسمعتش حاجه..ما انت نايم طول اليوم وصاحي المغرب وعايز الخدامين يجهزولك الاكل يا سعاده البيه..
المهم..بعد ما تاكل وتعمل الشويتين دول..هوب الساعه بقت 7..تصلي وتشوف مين رن عليك وتعمل كام مكالمه..الساعه بقت 9..في مسلسل دلوقتي ع التليفزيون..(غالبا مسلسل تركي م اللي بيقعدوا 4000 حلقه دول والممثلين هم هم لا حد كبر ولا عجز ولا جراله اي حاجه)والحلقه بتقعد ساعه.,.يعني تخلص الساعه 10
الله..مش ده معاد العاشره مساءا..لا اتفرج بقي
(اصل الثقافه حبكت..وبالذات ايام الامتحانات)ما علينا..
تخلص البرنامج علي 11 ونص كده..تفتكر ان دلوقتي كل اصحابك متجمعين اونلاين..هقعد ساعه ولا ساعتين وهقوم اذاكر علي طول..طبعا..
ومابين شاي ونسكافيه واكل جنب الكمبيوتر ..واحيانا تسمع ع القهوه عشان تستفيد من احمد يونس شويه..وطبعا نجوم اف ام علي كيفك..تبص تلاقي الساعه بقت 3..اوباااااااا انا لسه مذاكرتش
رجعنا لموضوع المذاكره(تصدق انا كنت نسيت برضو اننا بنتكلم عليها)..احم احم..
اذاكر ايه ولا ايه

هوة العمر اية ؟؟ غير مذاكرة وشوية حاجات فوق بعض!!! Zis86856

تحط كل الكتب قدامك..
ممممممم لاياعم بلاش ابدأ بده..عايز حاجه تفتح النفس!
ولا ده ييييييييييييييه ..ده دكتور نكد
وده بقي ..لا لا مليش مزاج..الغلاف شكله مش عاجبني

علي ما تخلص تناكه علي كتب الكليه تكون عدت بالقليل نص ساعه..تكون اخترت الكتاب بقي اللي هتنزل عليه تاكل الورق من كتر المذاكره
الله..طب مش هتصلي الفجر..دانت حتي ف ايام امتحانات عشان ربنا يباركلك..تروح تصلي الفجر وترجع..اما ابص بسرعه كده ع الفيس بوك ..يمكن حد بعتلي حاجه مهمه(علي اساس انك عمر الشريف)..تدخل ع الفيس بوك..وسبحان الله..متلاقيش حاجه مهمه..
تقوم محترم نفسك ولا هذاكر سيبوني بقي..لأ تؤجل عمل اليوم الي كمان شويه..بس المشكله ان الساعه بقت 6 الصبح..تفتكر هعرف اركز؟..هحاول

تقعد قدام الكتاب..تقعد قدام الكتاب..تقعد قدام الكتاب(مهو كل اللي انت بتعمله انك بتفضل تقعد قدام الكتاب)..وبعدين..لا انا زهقت بقي ومش عارف اركز....الساعه دلوقتي 7ونص هدخل انام واصحي فايق بقي واخد اليوم من اوله..

من طرف **мднмouĐ мдGĐY** الأحد نوفمبر 28, 2010 4:10 am

هههههههههههههههههههههههههههههههههههههههههه
يا سبحان الله انتى جبتى كدا نص اليوم بتاعى بس الفرق الجوهرى بقول لماما انا هانزل ازاكر عند اصحابى من 10 ل 3 قاعدين ع قهوه مش بنسمع القهوه و ع ما نرجع الشقه الخضرا يكون الفجر اذن فى العباسى نصلى والعباسى بقى الفجر بيصليه تراويح تكون الساعه بقت 6 نخلص ناخد لفه ع البحر الصبح ومفيش مخلوق فى الشارع نرجع البيت 8 نزاكر لحد 12 وناااااااااااااااااااااااااااااااااااام لبليل ونكرر هذا الموضوع لحد يوم الامتحان