ناسبة ان نتيجتي ظهرت والحمدلله وبعد محاولاتي المستميتة ورغباتي المكبوتة ودماغي اللي مش مظبوطة ربنا وفقني وشيلت مادتين بس, سألت نفسي اشمعنة فيه اغاني للنجاح ووحياة قلبي وافراحه والناجح يرفع ايده والهرتلة دي كلها ومحدش فكر يعمل ولو كوبليه واحد للفشل
دي بئة تشكيلة من افشل اغاني الفشل اللي تخلي الواحد فخور بوكسته

عمرو دياب--<<<ايوة انا عارف

ايوه انا عارف انى هشيل الماده اكيددد
واى مراجعه دلوقتى مش هتفيد
ده انا من يوم ماذكرت وقلبى ماهوش مرتاح
اسكت ليه ده انا بس بقول لاتقولوا دحاح




عمرو دياب----<<<<تنسى واحدة

ليه يا قلبى كل تيرم بتشيل في مادة
ولسة مش عارف تحل فى اى مادة
كل اول تيرم تقول انك مذاكرهااااااااا
وفى نهاية التيرم بالاقيك شايلهاااااااا
كل ده علشان بتهرب من الحقيقة
كل ده علشان يا قلبى شيلت مادة
اى مادة بتذاكرها بتبقى حاسة
انت مش جايلها ده انت جاى تشيلها
انت عارف حتى تنجح فى واحد غيرها
ده انت وانت ويا غيرها بتفتكرها
كل ده علشان بتهرب من الحقيقة
كل ده علشان يا قلبى شيلنت مادة








عمرو دياب --<<<زى الملايكة

ميتحكيش عليها
مادة لايمكن تنجحها
هتشيلها مهما تذاكرها
ميتحكيش عليها
ده عندى احباط من يومها
فكرت نفسى هأفلها
او حتى يمكن اعديها
اصعب ما فيها اللى شاللنى
مليانة حفظ بتأرفنى
بقالى سنين بحفظ فيها
وانا حلمى بس اعديها
لكنى مش هعديها
كان حلم عمرى انى افهمها
مش اقعد احفظ فى كلامها
بحفظها كده زى ما هيا
نسيانها ده حاجة عادية
تحفظها تلاقيهاااااااااااااااااا
ميتحكيش عليها






عمرو دياب ---<<<<كان طيب

خلاص بقى بيقفل....يرحم زمن السقوووووووووط
ذاكر كتير واقفل..... درجاته حلوة موووووت

جاب جيد يعنى مقفل...اتاريه دحاح كبيييييييييييييير
مش زى ما كان مبين...ده خدعنا سنين كتييييييييييييييييير
راجعنا مادة مادة....ولبسنا فى كل مادة...وهو جاب تقدييييييييييييير

لو يفتكر زمااااااان...أأأه زمان ...أأأه كان هو ايه
كان فاشل بين ايدينا...ومظبتينه يا بيــــــــــــــــــه

مادة وعدت خلاص...أأأه خلاص....أأأه هنعمل ايه
مش كل الناس دحيحه...فى الجامعة فيه وفيه





محمود العسيلى ---<<<تررم

كان فى مادة اسمها فيزياء..غباوتها مش طبيعية
كل اما اجى اذاكرها....بحس انها هندية
تعبانا وارفانا
ومسائلها مبهدلانا
وتبصلنا وتقول...متحلونى فى ايه؟؟؟
مش فاهمين معناها...واخرتها معانا
نفسنا نرتاح من اللى احنا فيه؟؟
الرخامة والتناحة والغباوة والرذالة
كل الناس اللى يذاكروها يبقوا خلاص هيقطعوها
او يروحوا يحرقوها ويخلصوا من ابوهها
لو كان وزيرنا شالها من المنهج
كان اقصر وريحنا
بدل نقعد نذاكر ونفضل زى ما احنا
كارهينها مش طايقنها..ومخنوقين منها
ونفضل نقول...بتعملى كده ليه؟؟؟؟
هنفضل كده معاها..ارفنها ومجننها...بس نبقى عارفين اخرتها ايه؟؟؟

الرخامة والتناحة والغباوة والرذالة
كل الناس اللى يذاكروها يبقوا عاوزين يقطوعها
او يروحوا يحرقوها ويخلصوا من ابوها






اليسا --<<<يا عالم

يا نشيل مع بعض حبيبـــــــــــــــى

يا نعيد احنا الاتنيـــــــــــــــن

اوعدنى ان احنا حبيبــــــــــــــى

منشيلش غير مادتيــــــــــــــن

دى المادة اللى تضيع دلوقتى

نذاكرها ازاى بعديــــــــــــن



حضرنا محاضرات وسكاشن,,ليه مفهمنااااااااااش
صورنا ورق وجينا...نذاكرها معرفنااااااااااااااش

دى المادة اللى هسقط فيها
هطلق فى البيت بعديهاااا
والدكتور ايه ناويلنا عليــــــــــــــه


شكلنا هنعيد يا حبيبــــــــــى
انا وانت شكلنا مش نافعيــــــــــــــن

قاعدين فى اغانى نألف
ده اللى احنا فيه فالحيـــــــــــــــن

ماهو لو احنا نجحنااااا
يبقى اللى هيسقط ميــــــــــــــــــــــــن؟؟؟؟



منقول
المقدمه عن واحد صحبى فى حقوق اسمه محمود وشهرته (فكك منى)
اتمنى مضربش بعد الكلام ده

هههههههههههههههههههههههههههههههههه

فكك منى ده عسل والله

ايه ده
ده انا جالى احباط وحلوة اوى بتاعه اليسا

حرام عليك
انا عندى احباط خلقة
وبعدين احنا فى جو امتحانات
يعنى بشروا ولا تنفروا

ههههههههههههههههههههههههههههههههههههههههههههههههه جميله جدا الاغاني دي يا محمود الواحد كدا هيدخل بعد العيد والاحباط والفشل ملينا ههههههههههههههههههههههههههه

هههههههههههههههههههههههههههههههههههههههههههه
الاحباط علي الابواب والامتحانات