نصائح للعكننه علي الزوجه :
الصبح وانت رايح علي شغلك وهي نايمه
تعمد اسقاط أي شئ أو خبط عالباب بصوت عالي علشان تصحيها هي كمان ( اشمعن انت؟! ) ولو حاولت ترجع تنام تاني قولها مادام صحيتي حضري الفطار بقي
‏.
إذا كنت بتتفرج علي التليفزيون وهي عايزه تغير القناه
قولها معلشي الحلقه دي مهمه جدا واحد صاحبي شافها علي القناه الفضائيه وقالي ان الحلقه دي هي المسلسل كله
ولو كنت بتتفرج علي ماتش كوره هيبقي الموضوع أسهل كل ما حد من اللاعبين من أي فريق يمسك الكوره قلها معلشي ثواني بقي أنا حاسس ان الكوره دي جون حتي لو كان حارس المرمي ماسك الكوره والماتش واقف لان في واحد مصاب (ملاحظه: أغلب النساء ذو ثقافه كرويه ضعيفه )
‏.
اصح يوم الجمعه بهمه و نشاط وجهز الفطار لزوجتك بس متنساش انك تستخدم 15 طبق وأكبر كميه من الملاعق والشوك و 5 حلل من اللي عندكم في المطبخ و 10 كوبيات لإعداد طبق بيض وسندوتش جبنه
طبعا يراعي ترك الثلاجه مفتوحه و قشر البيض في الحوض
‏.
في عيد ميلادها زين لها تورتة عيد ميلادها بخمسين شمعه ولو سألتك ليه خمسين رغم إن عندها (15 سنه بس!) اتحجج بضعف الإضاءه في البيت وانت بتبص علي النجفه اللي عندكم اللي فيها 30 لمبه مع ابتسامه صفراء خفيفه
‏.
ولو عامله رجيم اجري علي السوبر ماركت ومحلات الحلويات واملي الثلاجه شكولاته وحلويات وجاتوهات
يرعي التجول وانت مستمتع بأكل الجاتوه أمامها
‏.
متنساش رأيك في طبيخها
لو عامله لحمه قولها حلو أوي الفراخ دي
ولو طابخه باميه قولها جميله أوي الملوخيه حطه عليها أيه يا حبيبتي؟؟
ولو عامله كيكه قولها أنا بحب أشرب شاي مع البسكويت الحلو دا
‏.
لو طلبت منك تنشر الهدوم
قولها حاضر مع ابتسامه حانيه وبعد ما تخلص نشر الهدوم ادخل عليها وقولها أنا نازل أجيب الهدوم اللي وقعت مني في الشارع
ولو سألتك هو أيه اللي وقع؟
اذكر لها كل هدومها اللي كانت مغسوله مع فردة شراب من بتوعك علشان متبقاش مقصوده منك
‏.
لو الزوجه قررت مسح الأرضيات في البيت حاول تروح وتيجي علي المناطق المبلوله متحجج انك محتاج تتصل ضروري بواحد صاحبك ومره عطشان ومره تانيه بتجيب الجرنال و مفيش مانع انك تقول انك حاسس ان التليفون هيرن كمان شويه
‏.
لو كانت مشغوله في نظافة البيت أو مع الأولاد وطلبت منك كوبيتين الشاي بتوع الصبح الموجودين في الحوض ارجعلها كمان دقيقه من دخولك المطبخ وانت ماسك كوبايه من الاثنين واسألها في براءه أرمي دي فين؟؟
‏.
وانت قاعد تتفرج علي التليفزيون و هي طالع عينها في تنظيف البيت و بعد ما تخلص و تيجي يادوب تقعد تستريح جنبك بصلها وقلها حبيبتي ممكن كوباية ميه علشان ظهري بيوجعني

ههههههههههههههههههههههه جميل يا سومة بس اكيد الشخص الى هيأخد بنصحتك مش هيعيش كتير اصل الاكياس السودا كتروا اليومين دول فأنصح بعدم الاقتداء النصائح دى لو عيزين تعيشوا افتكروا المرأة والساطور او المرأة الحديدية

هههههههههههههه
ليه كدا يا نور دا هيبقي دمه خفيف ومسلي و بعدين هتلاقي فين زوج مطيع زي دا أنشر الهدوم حاضر أغسل الكوبيات حاضر . لذيذ ومسلي

و مفيش مانع انك تقول انك حاسس ان التليفون هيرن كمان شويه
ههههههههههههههههههههههه هاعمل كدا من غير نصايح

لأ لو كان كدا يبقي تاخدوا بنصيحة نور أحسن
الأكياس السوداء كتروا اليومين دول
شكرا محمود علي مرورك

ياريت الواحد يلاقى زوجه مطيعه كده

اقوم اقايل ليها ارمى نفسك من البلكونه ترمى نفسها على طول

عكننه بقا

ههههههههه
شكرا محمود علي مرورك

روعه
بس ياريت الولد اللي يفكر يعمل كدا يكون عارف نتيجة عمله و بعدها يستاهل اللي يجراله

أيه يا إيمي من أولها كدا ‏
حرام عليكي هتعملي فيه أيه
شكلك هتبقي مفتريه

شكرا يا ايمي علي مرورك نورتي

هههههههههههههههههه
كويس عشان نبقي واخدين بالنا
تسلم ايدك يا قمر

صح لازم ناخد بالنا من الحاجات دي و نعرف انهم قاصدين
شكرا نظره علي المرور

الله عليكى يا سومه وعلى نصيايجك الحلوه يس انا نفسى يكون زوجك فى المستقبل ان شاء اله هوه اللى يعمل بالنصايج دى
بس المشلكله انى عرفه انى انتى هتفرسيه اكتر بس الغلابه اللى زينا اللى مش بيعرفوا يردوا يعملوا ايه!!!!!!!!!!!!!!!!!!
بس انا بنصج الاولاد مش يعملوا الجاجات دى وبالذات فى الزمن ده
اوكى يا سومه نصايح مخربه هههههههههههههههههههههههههههههههه

هههههههههههههههههههههههه
ماشي يا مون بس أنا والله مش هفترسه ولا حاجه و بعدين حد يطول دا هيبقي دمه خفيف
شكلك انت اللي هتفترسيه يا مفتريه
و علي العموم أنا أقلك تعملي أيه بس تكوني متأكدا انه قاصد
‏1) الصبح مهما يخبط عالباب يكسر في الكراسي تعملي نفسك نايمه وتسبيه لغاية لما يضرب راسه في الحيطه وبعد كدا أكيد هيصعب عليكي فتقومي تربطيها
‏2) لما يعمل نفسه بيحضرلك الفطار و يوسخ لك المواعين تقوليله أنا مش جعانه كله يا حبيبي بالهنا والشفاء بس بعد لما تغسل المواعين اللي انت و سختها
‏3) لما يوقع الهدوم تخليه ينزل يجيبها و يغسلها زي ما وسخها و يجيبلك طقمين تلاته جداد كتعويض
‏4) لما يكسر لك الكوبيات تقوليله فداك يا حبيبي بس تنزل تجيب دسته غيرها حالا
‏5) لما يوسخ لك الأرضيه تحلفي عليه بالخلع انه لازم هو اللي يمسح الأرضيه وطبعا هتبتدي تروحي و تيجي علي الأماكن المبلوله زي ما كان بيعمل
‏6) في أخر حاله بقي لما يقلك هاتيلي كوباية ميه و هو شايفك بتموتي بأقرب كوباية ميه جنبك و تحميه بيها
‏!!!
لو واحده نقذت نصايحي أقدر أضمن لها انه عمره ما هيضايقها تاني
‏ لإن دا هيكون أخر يوم تعيشه في هذا المنزل
واتمني لها طلاق موفق

شكرا يا مون علي مرورك نورتي الموضوع

ايه يا ابله سومه هوه انتى اشتغلتى مخربة بيوت ولا ايه
عوزه اقولك انى مش هعمل بنصيحك ابدا عشان مش هجوز اساسا بعد اللى انا شوفته ده
وهستنى اشوفك انتى الاول هتعملى ايه
وربنا معاكى

ماشي يا مون يعني طلعت أنا اللي غلطانه في الأخر بعد كل النصايح دي
عالعموم أنا مش عيزاكي تضايقي بما انك جالك عقده نفسيه بسبب نصايحي
هصلح غلطتي و هجيبلك مقال عن كيفية التعايش في الصرايه الصفراء( مستشفي المجانين )
هتوحشيني
ههههههههههههههههههههه

كدة يا سوما دى احلى رد هههههههههههههه

والله يا سوما انا مش مفتريةبس انا بوجه للولاد دعوة ان هما
يبعدوا عن الشر لانهم مش هيقدرا على البنات
ويحاولو يكلوا عيش احسن

ههههههه
حلوه يا إيمي
انتي بينطبق عليكي أغنية عظمه علي عظمه يا ست

اوكى يا سومه انا منتظره الموضوع اللى انتى هتحطهولى على الصرايه الصفراء بس انتى عرفه ان انا وانتى مع بعض على طول يبقى انتى اكيد معايا ونور تشهد

ههههههههه
أنا عارفه يا مون طول ما انا معاكي اكيد هتبقي دي أخرتها مستشفي المجانين

هههههههههههههههههههههههههه
نصايح يجى منها بس اللى قبلنا قالو ايه
مش فاكر صراحة بس المهم ان غير اللى قبلنا فى حكمة واى حكمة بتقول " ان كيدهن عظيم"
النصايح دى سورى عالمكشوف
احنا عاوزين حاجات فيها تخطيط و مكر ودهاء
وموضوع جميل تسلمى

مكر و دهاء ليه بس احنا عملنا أيه
دا حتي الستات دول بلسم
نسمه مبتحسوش بوجودهم في البيت
ههههههههه
شكرا شرقاوي علي المرور

لقد أعطي الله سبحانه و تعالي قوة صبر وتحمل للمرأه لم تعطي لكائن أخر فعند زواجها تنتقل من محيط إلي محيط أخر يختلف في جميع صفاته فيجب عليها أن تراعي أمزجة الكل ابتداء من زوجها ولا تنتهي (عند الأهل) ‏