لن نقبل يوما أعذارك
لن نحمل أبدا أوزارك

فدماء أحبتنا سالت
هل تملك ردا يا مبارك

أيبيع الشعب كرامته بمجرد أن تهجر دارك

هل ينسي ذلا أو قهرا و عقودا داخل أسوارك

مازالت مصر مكبلة بفظائع من صنع قرارك

هل يملك مسلم أن يعفو عن ذبحك غزه بحصارك

مازالت كل طوائفنا تتجزع من كأس مرارك

مازالت عزتنا تبكي من جور و خسة فجارك

مازال النيل يؤرقه إهدارك منه إلي جارك

ما زال الغاز وما نملك تسرقه وتهدي أنصارك

و جحيم الحاجه حاصرنا بالفقر و شدة أسحارك

هامتنا ديون ثقلت عن عمد أو باستهتارك

و الأرض بلا ثمنا بيعت و تجفف عمدا أنهارك

شيدت قصورك من دمنا و مضيت لتكنز أصفارك

واسأل عن صحة أطفالي وستعلم صدقا أضرارك

و اسأل عن ثورة أبطال كشفت للعالم أسرارك

حكم الإعدام يلاحقك

فماذا ستفعل يا مبارك؟!!!

ايه ده كله يا سومه انى قطعتى الراجل بس اسمحيلى
عذرا عذرا
مبارك انسان ليس ملاك اعطى واخذ اكيد اخذ اكثر مما اعطى
ولكن هذا الرجل له كل الاحترام والتقدير وانا ضد الافعال التى يرتكبها الشعب المصرى فى حقه والاستهزاء به
بس الصراحه هوه كان بيصحح اخطأه وكفايه اننا كلنا شفنا حاكمنا بهذا المنظر فى اخر ايامه فى الحكم

كفايه سياسه يا سومه قولتلك انا خايفه عليكى يلا يا ستى ربنا معاكى

انتي عارفه يا مون قد أيه أنا كنت متعاطفه معاه و انه لما قال في خطابه انه هيموت و يندفن في تراب مصر أنا زعلت قد أيه و اتعاطفت معاه
بس دا لإني مكنتش أعرف أو مكنتش مقدره حجم المعاناه اللي الناس عيشاها
أعترف فعلا مكنتش حاسه بيهم
يمكن لو ليا أخ ( بعد الشر طبعا ) راح في حادثه من حوادث الاهمال زي حوادث القطارات و لا العباره
ولا أخدوه ( بعد الشر ربنا يخليهولي ) حبسوه علشان اتكلم في السياسه
و لا راح رمي نفسه في البحر علشان مش لاقي وظيفه أو .. أو.. يمكن كنت أحس بالناس دي
قد أيه فيه ناس عانت عاشت في فقر وجوع و مرض و ذل
أفسد حياتنا و أفسد علاقتنا بالدول كلها أنا حاسه إن العرب والأفارقه بقوا يكرهونا
قطع علاقتنا بإيران مش عارفه ليه
قطع علاقتنا بأثيوبيا قال أيه اتعرض لمحاولة اغتيال هناك طب افرضي انه كان اتعرض للمحاوله دي هنا في مصر كان هيقطع علاقته بالشعب و لو انه كدا كدا كان قاطعها
كان فاضل انه يطرد الشعب كله بره مصر ما هو استولي عليه عمال يكنز في مليارات هو و مراته وعياله واصحابه ومعارفه دا غير الفلل و القصور واحنا عمالين نتكلم عن أطفال الشوارع
و طول الوقت يتكلم عن محدودي الدخل و نسي ان فيه معدومي الدخل ويتكلم عن رغيف العيش و أنبوبة البوتجاز و كأننا هنغمس العيش بالأنبوبه
يدي الغاز لإسرائيل بملاليم و نرجع نشتري من بره بأضعاف الثمن
و الحلوه مراته دي اللي كانت بتهدي أثار مصر لزوجات الرؤساء
وابنه اللي مش شاطر غير انه يطنطط في الماتشات و يغني علينا
هنتكلم عن أيه ولا أيه عن مجلس الشعب ولا الشوري ولا الوزاره
ولا رأس الأفعي أحمد عز

الكلام مش هيخلص عن الفساد

متخافيش عليا يامون المفروض تخافي علي نفسك علشان زي ما قلتلك أنا من أول ألم هعترف علي رأيس التنظيم هعترف عليكي يا مون و هقول إنك ضحكتي عليا و قولتيلي إن دا في مصلحة مصر
وهقول عاللي كانت بتشتغل معايا هقول علي نور
علشان منفترقشي أبدا
هههههههه
نورتي التوبيك يا مون

الصراحه كلامك كله صح والفساد كتير اوى اوى ومش هوه لوحده اللى كان بيفسد لا كان فيه ناس كتير منهم اللى بان ومنهم اللى لسه مجاش دوره بس هوه يعنى لازم نتكلم عليه بالمنظر ده اولا ده راجل كبير فى السن ايا كان عمل ايه وفساد ايه مليش دعوه بالكلام ده انا كنت اكتر وحده بكره ه هوه ومراته بس كان يقدر اى حد يكلم بطريقه غير مشروعه عنه طب انابحلفلك بالله اننا كنا فى المدرسه لما كنا نتكلم فى السياسه كان استاذ التاريخ يقول الحيطان ليها ودان ولو كان بهزار بس كان فيه خوف ممزوج باحتقار مع اننا كنا فى بلد مش فيها اى حاجه مضره زى مصر كده بس بردو لما كنا نتفرج على اللى بيحصل فى الناس الفقراء وكده كنت والله بقول انه هيتحاسب حساب عظيم بس مش من الشعب لاه ده من ربى وربك لا ن اساسا هوه بيتحاسب عن كل فرض فى الشعب شوفى انتى كام واحد نام جعان كام واحد نام حزين على حالهوكام واحد نام مظلوم وكام وكاو كام بس انا بقول ان احنا نقوله الله يسمحك على ذنوبك ديه وحسابك عند ربك لان كفايه اوى دعوات كل المظلومين عليه والله ديه لوحده كفايه عقاب ليه
وده مش دفاع عنه ده بس رأفة بحاله مش اكتر

انا فعلا مش هخاف عليكى لانك تربيتى يا بنتى مش رايسه الجماعه بقى يبقى انتى متاسسه صح
والحمد لله ان نور كمان معانا عشان نروح كلنا ومش نرجع تانى والله دى حاجه حلوه حتى الواحد يبعد عن الناس والكليه والدكتره ووجع الدماغ ده
مرسيى يا حبى انتى اللى منوره بموضيعك

موضوع رائع وجميل
فعلا كل واحد لازم ياخد عقابه في الدنيا قبل الاخره
الله مش بيسيب حد ابدا الا ما ياخد عقابا بعد ان سعي في الارض فسادا
لله له حكمه في كل ما بيحصل دلوقتي
لا جاه ولا نفوذ ولا مال يقدورا يمنعوا عقاب الله مهما كان لو كنت في اعلي المناصب لو هربت من عذاب الدنيا استحاله ان تهرب من عذاب الاخره الاشد واقسي
مش عارف اقول ايه تاني
انتم قولتوا كل شي
وتسلمي سوما علي الموضوع
وتسلمي مون علي ردودك الكويسه
وخدوا بلكم من نفسكم بقي عشان انا سمعت ان المخابرات قربتمنكم
بالتوفيق ليكوا

هههههههه
أيه رأيك بقي يا مون إن أنا هعمل لوحه كبيره وأكتب عليها رأيك دا و أعلقها في التحرير وأكتب مون بتقول إن احنا نقول لمبارك الله يسامحك و عقابك عند ربنا لأ وكمان فيه بكره مظاهرات
إنا لله و إنا إليه راجعون هتوحشينا يا مون

لأ بس بجد أنا مختلفه معاكي تماما
منحسبهوش ليه؟!
راجل كبير! و هو ليه مرحمشي الأباء و الأمهات
ليه؟!
كان فيه ناس بتموت و مش معاها حق الكفن
هو أحسن منهم في أيه!
أكل فلوسهم وخلاهم يموتوا من الجوع و البرد

دلوقتي هيموت حسره علي عياله؟!
و مفكرشي ليه في عيالنا اللي كانوا بيموتوا من الجوع و المرض و اللي انتهي بيهم الحال في الشارع في حين عياله عايشين في القصور و واكلين فلوسنا
ولا شبابنا اللي كانوا بيرموا نفسهم في البحر بعد ما يخلصوا كلياتهم علشان عايزين يهاجروا علشان مش قادرين يعيشوا هنا بدون شغل ولا مستقبل
ما اعتبرهمشي زي عياله ليه؟!
أسف علي أيه ولا أيه

وأنا مهما قلت أكيد مش هقدر أوصف معاناتهم لأني أكيد مشفتش في حياتي ذره من اللي شافوه
يمكن أنا زيك فيه ذرة تعاطف بس دا لإننا معشناش زيهم و الحمد لله أهلنا موفرين لنا كل احتياجاتنا و يمكن أزيد
لكن صدقيني لو سمعتي من حد عاش مأساه حقيقيه أكيد العطف اللي في قلبك دا هيختفي

أو بقي نروح نطلع اللي قتل و اللي سرق وكل الناس اللي في طره دول و نقولهم ربنا يسامحكوا
اللي قتل شخص بيعدم فما بالك بمن قتل الملايين و سرقهم و نهبهم و أفسد حياتهم
نعمل فيه أيه؟!!

الله يبشرك بالخير يا عمرو
مخابرات مره واحده
دا أنا كدا بقي اعترف علي أصحابي كلهم علشان نبقي صحبه حلوه
و انت طبعا لو تحب تتفرج علي المعتقلات قولي و احنا نأخذك معانا نفسحك هتبقي فسحه مش هتنساها طول عمرك
هنفرجك علي المعتقل حته حته
و هنتفرج علي الحجره اللي بيجلدوهم فيها و هنخليك تجربها
تأكد إن احنا مش هنبخل عليك بحاجه أبدا
هههههههههههههه
نورت الموضوع يا عمرو
تسلم علي مرورك

اضحكى يا سومه اضحكى بس انا مش بقول انننا مش نحاسب مبارك لاه انا والله اول من يطالب باسترداد كل الحقوق المسلوبه من الشعب المصرى يعنى بطلب باسترجاع كل الحقوق اللى الرئيس السابق اخذها بطريقه غير مشروعه من اموال الشعب وكمان انا قولت انى بتعاطف معها مش بدافع عنه
وكل انسان مخطىء بس عشان هوه اخطأ فى حق ملايين فكان خطأه اكبر من اى خطأ لانه نسى مهمته الاساسيه وهى الحفاظ على سلامة الشعب والوطن وتوفير جميع سبل المعيشه لكل فرد فى المجتمع وطبعا ديه مهمه صعبه جدا ولكن هذا كان اختياره وهذا كان عمله وهذا كان جزائه فى الدنيا وجزائه فى الاخره فى علم الغيب ومتحسسنيش انا وانتى مثلا مشاضرينا من مبارك لا والله كفايه اوى انى كنت وانا دخله الكليه حطه فى اعتبارى انا هخرج بعد العناء والتعب مثل بل اقل من بتوع الدبلوم وكفايه لما تشوفى الوسطه وكل الظلم ده وانتى قاعده مش قدره تعملى حاجه دا فى قمة الالم
وانا فى اعتقادى لا يوجد مواطن مصرى عاش فى مصر ولم ينضر من مبارك
بس كفايه كده النهارده كلام فى السياسه

الصراحه يا عمرو انا تأكدت النهارده ان احنا كلنا ان شاء الله هنروح فعلا المخابرات
ونعمل رحله حلوه فى المعتقالات وده كله بسبب الاستاذه سومه انتوا خافوا على المنتدى ده لانه هتلقوا فيه ليه سجل فى امن الدوله
اللهم احفظنا حررررررررررررررررررررام عليكى يا سومه ارحمينا

كويس ان احنا متفقين انه لازم يتحاكم علي الأقل دا يخفف ذنوبه قبل ما يروح عند وجه كريم

متخافيش عليا يا مون

بيان هام

أنا سوما أعلن من موضعي هذا إن لو فيه حد زعلني هنزل أعمل اعتصام في التحرير و ههتف بالشعار الرسمي للمتظاهرين مش هنمشي هو يمشي وطبعا هو عايده عاللي هيزعلني يعني خلوا بالكوا من نفسكوا

الله
الوطن
التحرير

انتهي البيان

أظن كدا يا مون اعدام اعدام
هههههههه

ميرسي يا كريزي
بس عايزه أقولك حاجه أنا عايزه مبارك يتحاكم بس مش معني كدا إن أنا موافقه علي المظاهرات دي
لأ أنا عيزاه يتحاكم زي أي واحد من الشعب
و لو اني بدي العذر للناس اللي بتخرج في المظاهرات تطالب بإعدامه
يعني مثلا أم الشهيد ازاي تقدر تعيش في الدنيا دي و هي شايفه اللي قتل ابنها قاعد في مستشفي خاص و ابنها اللي اتقتل علشان بيحب بلده و عايزها تكون أحسن يمكن يكونوا داسوه تحت الرجلين
أظن أقل حاجه انها تشوفه بيتحاكم محاكمه عادله
و لو ان اسلوبهم خطأ ولكن عذرا
و بالنسبه لموضوع الناس الغلابه
فأنا شايفه ان الثوره لسه ماخلصتشي
و أظن ان كلنا متفقين علي جملة الشيخ الشعراوي
الثائر الحق هو من يثور ليهدم فساد ثم يهدأ ليبني الأمجاد
في نظري إن احنا لسه مكملناش الجزء الأول من الثوره لإن احنا لسه لم نقضي علي الفساد ليس مبارك هو وحده الفساد
و لكن هناك العديد من الفاسدين الذين لم يحن وقتهم
بس مش معني كدا ان انا منشتغلشي لأ لازم نشتغل بس نضع في اعتبارنا رغبتنا في القضاء علي الفاسدين و محدش يشوف غلط و يسكت
و اعتقد ان مصر هتبقي أحسن ان شاء الله
و دا علي فكره عن تجربه
بعد الثوره المسئولين ابتدوا يتعاونوا معانا علشان نطور بلدنا بعد ما كنا زهقنا من المحايله
و كمان فيه دول تانيه حصل فيها كوارث و بقت دلوقتي تسبقنا بعشرات السنين زي اليابان مثلا

نورتي التوبيك يا كريزي تسلمي علي مرورك

ههههههههههههههههههههههه كل دى اتفاقات عليا فى غيابى ماشى هبلغ عنكم وارتاح بقى بس انا مع مون ان احنا زهقنا وحتى لو قتلوا مبارك فى ميدان عام مفيش حاجة هترجع زى الاول يعنى الوضع هو هو الفقر هيظل والظلم هيظل وكل حاجة مش بعيد نعلن افلاسنا قريبا يعنى كفاية عليه عذاب الاخرة على القليلة ما نكنش طماعين فى الدنيا كمان يعنى يتحاكم اة بس اكيد من غير اهانة وكفايه بقى ننسى مبارك وغيرة ونشوف بلدنا راحة لفين ونصلح كل شى بنفسنا بقى مندورش على شكليات وتفاهات واصلا الاساس اى كلام ارحموا البلد وخلينا نفكر فيها ونسبنا من مبارك وغيرة وربنا اكيد مش هيسامحة وبعدين دى حتى الشهداء اخذوا مكانه احلى منه يارتنى كنت بدل اى حد فيهم وكنت هبقى فخورة بنفسى وكنت هشكر مبارك على احلى خدمة قدمها ليا بس نصيب وغيرها فى غيرها بس نفضى بس من الكليه واحنا نشتغل فى السياسة كويس اوى وربنا يستر ومنكنش مراقبين ههههههههههههه

يا نور خلاص احنا كدا كدا رايحين في الباي باي

و دا اعتراف صريح من نور انها في الاجازه هتشتغل في السياسه
و أنا كدا أخليت مسؤليتي

أنا شكلي كدا يا نور هوديكوا كلكوا علي المعتقل و اقعد أنا لوحدي عالمنتدي
و تمنياتي برحله سعيده
بس لو(لو حرف امتناع يفيد الامتناع)
لو بقي خرجتي من هناك
ابقي هاتيلي شوية صور للمعتقل و الحجره اللي بيجلدوا فيها أكيد هتجربيها ابقي هاتيلي شوية صور ليها و للجلاد
و نبقي ننشر الصور دي عالمنتدي خلي الطلبه تشوف أماكن جديده

بالنسبه بقي لموضوع الشهداء انتي رأيك بقه ان أهالي الشهداء يروحوا يشكروه ان ولادهم هيدخلوا الجنه
عموما انا مش هتناقش في الموضوع دا مش هنخسر بعض علشان خاطر مبارك انشا الله حتي يقطعوه
بس ان شاء الله لو فكروا يعملوا مليونيه تاني أنا هاخدك و نروح التحرير و نحكمهم في الموضوع دا
و انتي طبعا تقدري تتخيلي أيه اللي هيحصلك

انا رأيي انه يخلص شويه من ذنوبه في الدنيا أحسن
هو حد طايل

نورتي الموضوع يا نور
تسلمي علي مرورك

موضوع جميل جدا
وانا طبعا ضد التهاون فى محاكمة مجرم رجع مصر للعصر الحجرى

ميرسي يا شرقاوي عالمرور
و طبعا لازم يتحاكم
و لازم يتعاقت علشان يكون عبره للي يفكر يسرق البلد بعد كدا
‏