[b]كـيـف تـعـرف الـمـصـري ؟

◕O◕O◕O◕◕O◕O◕O◕
1. لو سالت سواق تاكس على عنوان وبدل ما يدل...ك قالك امشي ورايا.. يبقى مصري.. (وعلى فكرة ساعات بيغير اتجاهه عشان عنده رغبة صادقة يوصلك وخايف تتوه)
2. لو صليت في مكان وبعد الصلاة اللي جنبك مد ايده وقالك تقبل الله..... يبقى مصري
3. إذا سمعته بعد أن يضحك يقول " خير اللهم إجعله خير " .. فتأكد أنه مصري ...
4. لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ...
5. لما تقابل واحد علامة وعمره مايقول "ما أعرفش!" جينيوس مصري
6. لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
. لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات
8. . و لما ركبه تخبط فى بعضها من الرعب و هو داخل القسم يعمل بطاقة الرقم القومى ........................ هو ده ال ,,,,,,,,,
9. و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض ........................ هم دول المصريين
10. لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر 11. لما تلاقي سيدة في الرايحة والجاية عمالة تدعي لأولادها ... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين
12. لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى الواحد (او الواحدة) ده مصرى
. 13. لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى
. 14. لو اديت لواحد فلوس وبدأ يعدها بصوت عالي وبدأ بقوله الله واحد .. ومع الورقة الثانية : مالوش تاني، ومع الورقة الثالثة: العدد ثلاثة .. يبقي أكيد مصري ابن مصري
15. لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري
16. لما تيجي تدفع الأجرة لواحد أول مرة تعرفه، يحلف عليك تخلي بأه
17. لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة
18. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية
19. ولما تلاقى شعب فى اكبر ازمه بيمر بيها ... مابيناسش يضحك ويضحك اللى حوليه وكل العالم يتكلم عليه .... يبقى انت اكيد تقصد اعظم شعب ... شعب مصر[/b]

الله الله على المصرى
المصرى تعنى طيبه وحنيه وشهامه ورجوله وخفة دم اكيده ميه الميه وصفات جميله مش تلاقيه فى اى حد غيرنا فى الدنيا ديا
بس عندى شوية تعليقات كده يا نورعلى بعض العبارات
و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض ........................ هم دول المصريين

دى الصراحه مقدرش اقول فيها حاجه لانها حصلتلى انا شخصيا والله الناس شالت العربيه مع اننا كنا فقدنا الامل انها تتحرك اساسا
لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات
دى تقريبا بتحصلى اكتر من مره فى اليوم وبالذات فى الكليه مع عمو خميس هههههههههههههههههههههه
لما تلاقي سيدة في الرايحة والجاية عمالة تدعي لأولادها ... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين
ربنا يخلى الامهات المصرين يا رب هما دول اساسا المجتمع
لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية
ديه بقى حلوه اوى اوى

ولما تلاقى وحده بتحب الك الكتير اكيد دى وحده مصريه هههههههههه
يلا بقى كفايه كده عشان مش اكون لكلوك لكلوك
كل الاحترام والتقدير للشعب المصرى اعظم الشعوب
ميرسى يا نور على الجمال ده تسلم ايدك

تسلمى ياروحى على مرورك الجميل واكيد الموضوع مش حلو قد ما انتى روحك احلى وبطلى حوادث بقى ههههههههههههههههههههههه

موضوع جميل يا نور
بس للأسف معظم الصفات الحلوه دي ابتدت تختفي
أنا حاسه ان الشهامه والرجوله و الجدعنه و الحاجات الحلوه دي بتختفي مع الوقت
كل واحد دلوقتي بيقول وأنا مالي خليني في حالي
دا حتي الجيران مبقوش يعرفوا بعض
أه فيه بعض الصفات الحلوه لسه موجوده فيهم
محدش ينكر خفة الدم
بس معظم الناس بقوا يفضلوا كلمة خليني في حالي
أنا حاسه ان الستات بقوا أكثر شهامه من الرجاله
عموما
و بالنسبه للي يقعد يقلك خلي و هو ميعرفكيش دي بقه بتحصل كتير
تسلمي عالموضوع الجميل دا

معاكى يا سوما طبعا فى كلامك وهو فعلا كل شى تغير للاوحش بس لو ملقتيش دى فى مصر مش هتلاقية فى حتة تانية ولما تلاقى الجدعنة والرجولة والشهامة ودى نادر بس هتعرفى ان دى كيد مصرى او مصرية فهم من لقبوا بذلك ولن تجدى الصفة دى فى حد تانى يعنى هتلاقيهم متعلمين بذلك او ممكن نقول الى اتغير ومفهوش كدة يسيب مصر احسن بلاش ارف مصر مش نقصة بلاوى بقى خلي عددنا يخف ويكون من ينطبق علية الصفات يستحق ان يلفب بالمصرى وتسلميلى على مرورك يا روحى

جمييييييييييييييل جداااااااااا وباذن الله نتحسن

فى الفترة اللى جاية ويمتلئ المجتمع الامثلة الحسنة

والصفات الحميدة التى نرجوها.......ميرسى ليكى

يا قمر

يارب فعلا يحصل كدة ومرسى على مرورك يا قمر

ناااايس جدا
تسلمي ياقمر

مرسى على مرورك جدا يا مون