ابى الحبيب حسنى مبارك
مقدمه لسيادتكم: برعم نشأ فى عهدكم وتربى فى كنفكم وشرب من بحر علمكم وحكمتكم اللتى اذهلت العدو قبل الصديق
تسمحلى اقولك يابابا؟
بابا انا تعبان اوى..لا مش سنانى يابابا دى ودانى ايوه ودانى اصلى سمعت كتييييييييييييييييييييير اوى عن حاجات حلوه هتحصل لنا ومحصلش منها حاجه ..حقول لك شويه حاجات منها واخواتى هنا يمكن يحبوا يزودوا عليها شويه حاجات تانيه جايز اكون نسيتها......بابا مش عايزك تزعل منى عشان فتحت لك قلبى....
1_ بابا.........مصر فى السياسه والاقتصادوحتى فى الرياضه بقت فى الحضيض ...بقينا فى اخر القايمه يابابا صدقنى ....
2_ الدول اللى مكانش حد بيسمع عنها خالص يابابا بقت احسن مننا بكتير اوى يعنى دول زى الهند.فلبين .تايلاند عندهم ايدز وبرضه بيشتغلوا وبيصدروا كمان ....انت نمت يابابا ؟ لسه صاحى,........ طيب اكمل
3_ بتشوف قناه الجزيره والعربيه ودبى يابابا....شفت هما وصلوا وبقوا ايه واحنا بقينا ايه........الاعلام بتاعنا بقى زباله بصراحه يابابا .........تفتكر ده من ايه؟
4_ المصريين اللى عايشين بره محدش بيسال فيهم خالص يابابا ........تصور لو حد منهم مات....السفاره مابترضاش تبعت جثثه الا لو الناس لمت من بعضها ودفعت المعلوم ... ده غير ان سفارتنا بتعاملهم بطريقه اخر جليطه وقله حيا بصراحه
5_ بابا ...........بيقولوا ان اسرائيل ممكن تحتلنا تانى علشان المعاهده اللى عمو انور مضاها .... دى مينفعش تلغيها يابابا وندخل جيش مصرى فى سينا ؟؟؟؟؟؟؟؟
6_ احنا مبنزرعش قمح ليه يابابا؟؟؟ انا عارف انك بتحب الكنتلوب عشان طعمه احلى مش مهم بس حتى يابابا لو زرعنا القمح ليه القمح يابابا عندنا بيطلع كوسه
7_ هو ليه عمرو خالد وانكل يوسف القرضاوى ملهمش برامج على التليفزيزن المصرى يابابا؟؟؟؟ ......... ليه كل البرامج بتطلع فيها روبى ونانسى ودينا؟؟؟....... طب عمو طنطاوى مبيزعلش لما بيشوف الحاجات دى ؟؟
8_ بيقولوا عدد الجراد اللى هاجم شعب مصر 70مليون جراده يعنى نفس عدد شعب مصر ولا عمو كمال الشاذلى هو اللى باعتهم عشان يقولوا نعم يامبارك .....صحيح انهم كتبوا ليك مبايعه على ورق الشجر يا بابا ؟؟؟؟
9_ .......وزير الزراعه الجديد ده باين عليه فقر.. ودمه نحس..........اوعى تفرط فيه يابابا ده بقى املنا الوحيد
10_ بابا انت صحيح ناوى تجدد تانى فى 2011 ؟؟؟؟؟
بابا متسبنا ياباباااااااااا ..............
ايييييييييييييييييييييييه سيييييييييييييييب القميص .... انت مين ؟؟؟؟ ايه ده انتو مين ؟؟؟؟؟؟؟؟؟؟؟
مين الناس دول ياباباهما واخدنى ورايحين على فين يابابا ااااااااااا ؟؟؟؟؟؟؟؟؟؟؟

وطبعا مش هينفع نقول اللى حصل بعد كده

موضوع دجمسل جدا يا دموع

رائع يا دموع
لمستى الجرح

منورين الموضوع
شكرا علىالرد[img][/img][url][/url]

موضوع رائع تسلمي يا دموع