بسم الله الرحمن الرحيم



نبدأ الخطة سوا
لا تظهري لاهلك عدم الرضا
(عشان تعرفي تكملي الخطة)
اهم شئ فى الخطة من يوم ما تسمعي بالعريس لحد ما ييجي اوعي تستحمي
خلي الريحة الحلوة تطلع
(ماتنسيش تفرمي بصل كتير واذا في ثوم
خيييير و بركة )
طبعا
(انتي بتساعدي ماما ما حدش هيقول حاجة)
اهل العريس جاين يشوفوا قمر الزمان طبعا
عشان كدا قمر الزمان لازم تفضل نايمةلقبل الموعد بساعة
(عشان وشك يستريح وما يظهرش انه تعبان)
و بكدا بتكوني
ضيعتي على اهلك فرصة
انهم يكشفوكي
اهل العريس جم... سلمي على امه بكل برود
واعملي نفسك قرفانة و شايفة نفسك>>بعدها اسحبي نفسك على غرفتك
عشان تزبطي نفسك امال
مش انتى لسة صاحية من النوم )
و يلا نعرف خطوات احلى ميك اب ,
لاحلى مناسبة
الكحل : الكحل جميل جدا على العيون ... اتكحلي ... بس خلي الكحل
فى عين اكتر من التانية..
وكدا بتضمني تكوني
(حولة رسمي)
كريم الاساس: اكيد عايزين كريم اساس بس على الشفايف
كدا يبان معاكي بفقر دم..........,,ياعيني مسكينة
الشادو : طبعا الشادو هو اللي بيخبي البلاوي (وهو اللي بيبيّن البلاوي )
الشادو الاسود على العيون
و ثقلييييييييه مع شادو اصفر
على وشك بدل
(البلاشر)
و بكداااااااااا يبان معك كوليرا و بلهاريسيا.... هههههههه
و لازم تلبسي احلى موديل خضرا
(لون الخيار )
و بلوزة حمرا
(لون الحب)
- يعنى من الاخر جو الوان الطيف -
و البسي طرحة من سنة الف و تسعمية و ستة وخمسين و السابو خشب من العصر الحجري...
تححححححفة
روحي عالمطبخ عشان تأخدي القهوة ... بس اوعي امك تاخد بالها من العك اللى انتى عاملاه
امشي بكل ثقة الى غرفة الضيوف
(كل ما تكون ثقتك بنفسك اكتر تباني انك خبيرة في الأمور دي)
... وكدا.... الفار يلعب فى عب ابو العريس
ويسأل نفسه
>>مدام هيا خبيرة كدا
ليه اللي قبلنا طفشو؟
بس الفار فى عب ابو العريس مش كفايه
لازم يلعبلو شويه فى عب العريس ذات نفسه هههههه
امسكي القهوة ... بصي بعيونه
(واحولي عينيكي)
المسكين بكون وقع
في الصدمة
(من اول نظرة)
هو طبعا من شدة الصدمة هينسى القهوة... وطعمها المريب - بالشطة الحارة -
طبعا سيبي الرجالة يتكلمو في المهم .... (اماااااااااااااااااااال)
ارجعي لام العريس اللي عايزة تشوف جمال شعرك
(المرة دي مش هنعمل مقلب ... خليه حلو مافيش مشكلة ... سشوريه و زبطيه)
بس
اقعدي اهرشي و اهرشي و اهرشي قدامها
تخيلي انه في حديقة حيوانات في راسك
(( لو كنتي مش محجبه يعني ))
ههههههههههههههههههههههههه مسكينة طنط
(ام العريس)
اذا نفذتي الخطوات دى مية مية بأكدلك .. هتسمعي كلمة : " يا الله "
وتسمعي صوت ابوكي
بيقول للجماعة " شرفتونا" ... لانه الضيوف عايزين (يفلسعو ) قبل ما يتدبسو
بـ بلوة منيلة بستين نيلة

هههههههههههههههههههههههه
الله عليكى يا بوسى
ايه اللى انتى كتباه ده
بس انتى لازم تجربى وتقولى النتيجة وبعدين نجرب

ههههههههههههههههههههههههههههه
لا يا ساد بعد الشر
وبعدين بيتنا ديمقراطى
مش عاوزاه يبقى خلاص مش عاوزاه
من غير الافلام الهندى دى
ههههههههههههههههه
نورتى يا قمر

هههههههههههههههههه
خير الناس انفعهم للناس
فيكى الخير والله يابوسى
شكل العريس هايروح العباسي
تسلم ايدك

ههههههههههههههههههه
اية الخطط الجامدة دي يا بوسي هو عشان اطفشة اكرة نفسي

هههههههههههههههههههههههههه


جميل جدا وربنا يقويكوا ههههههههههه

ههههههههههههههههههه
يلا اى خدمة
نورتو التوبيك يا جماعة
ميرسى ليكو

ايه الخطط الجامده دي
هههههههههههههههههههههههههه
يللا يا بنات اتشجعوا وجربوها وهتلاقوا النتيجه اللي انتو عاوزينها ان شاء الله
تسلمي يابوسي واحنا في انتظار خطط جديده وتكون محكمه زي دي كده
هههههههههههه

ههههههههههههههههههههه
بس المهم يا بنات الدقة ف تنفيذ خطط الساحرة الشريرة دى
عشان تجيب النتيجة المطلوبة
ميرسى يا اسيل نورتى

ههههههههههههه جميل اوي يا بوسي
تسلم ايدك يا قمر

ميرسى يا صافى يا عسل
ننورتى

ههههههههههههههههههههههههههههههههههههه
ينهار ابيض
انا مش عارف اقول ايه
بس ده مش فى مصلحتكوا البت دى بتخم والله مفيش عرسان اليومين دول اساسا

ههههههههههههههههههههههههههههههههههههههههههههههههههههههههههههههههههه
يا بسبوسه كلوا منك عسل

ايه الجمال ده


هههههههههه

ههههههههههههههههههههههههههههه
مش للدرجة دى يا محمود
اى نعم زمان كانت بتمطر عرسان
بس بردو يعنى اليومين دول بتندع
ههههههههههههههههههه
نورت يا محمود
نورتى يا سنو يا جميلة

ههههههههههههههههههههههه


طيب تخيلو بعد دا كله ممكن ميطفش ساعتها نعمل اه بقى

هو بعد دا كلة ممكن ما يطفش
ده يبقى معندوش دم
بس على مين هنجرب خطة تانية
وراه ورا لحد ما يطفش
ههههههههههههههههه
ميرسى يا سمسم
نورتى يا قمر

طيب ما تجربوه يمكن يكون كويس
يعنى ممكن لو قربت من حاجه وشلت التراب اللى بيكون فوقيها بتلاقيها جميله اوى من جوه
وبعدين انتوا خلاص والله لو عملتوا الخطه دى كتير صدقونى هتعنسوا مفيش حد عدل اليومين دول

طبعا يا محمود هو مفيش حاجة اسمها ان اول ما يجى عريس
تتطفشة من غير ما تعرفو او تديلة فرصة او كده
الكلام ده لما تكون هية خلاص مش عاوزاه
سعتها ممكن تطفشو
بس طبعا مش بالطرق الشريرة دى
اهههههههههههههههه

طيب الحمد لله
طمنتينى
هو انا عارف ان البنات دماغهم طاقه
بس مكنتش متصور انها للدرجه دى
ههههههههههههههههه اصلى كنت ناوى اتجوز وكنت بحضر نفسى واتعلم الطبيخ عشان ابقى سبع البيت

ههههههههههههههههههههههههه
بص يا سبع البيت
البنات ممكن تكون طاقة للدرجة دى واكتر ف اوقات
وممكن تكون مفيش احسن منها ف اوقات
المهم انت يا محمود بما انك داخل على جواز
تعرف تتعامل معها ازاى
وما تنساش ان كيدهن عظيم
هههههههههههههه

كيدهن عظيم انتى بتخوفينى من اولها ليه بس

هههههههههههههههه
لا ما تخافش يا محمود
اتكل على الله
ربنا يوفقك