السلام عليكم ورحمة الله
نعيش في واقع متباين الثقافات مختلف المشارب والمناهل
الفكرية وبين الزمالة والصداقة والعلاقات بكافة وشائجها
نبني نهجنا في نوعية التعامل والخصوصيات
وتدور عجلة الأيام فتصحو على حقيقة مرة !!!!
من اتخذته خليلا وصديقا وحبيبا مقربا إلى قلبك ما هو إلآ عملة
مزورة لا تستحق أن تحتفظ بذكرياتها
وتتبخر الأحلام الوردية بأن يكون لك ذلك الصديق وقت الضيق
وتبدأ رحلة الشك في كل من حولك !!!!!
* ما موقفك أيها القارئ العزيز ؟
* هل تحمد الله سبحانه وتعالى أن عرفت الحقيقة ؟
أم تتمنى لو عشتً في غفلتك حتى تحافظ على تلك العلاقة
التي منحتك الراحة النفسية بوجود ذلك الخلّ الوفي " المزعوم "؟
أم أن تكشف تلك الأقنعة وظهورها على حقيقتها حصانة لك
من الله قبل أن تقع في أشياء أشد صدمة لروحك الصادقة ؟

ياريت كل واحد يقول رايه علشان الكل يستفيد

من وجهه نظري المتواضعه ان الواحد يحمد ربنا طبعا عشان حقيقه الشخص ده بانت قدامه وكمان عشان ربنا نور بصيرته قبل ما تحصل مصيبه او مشكله مثلا .
اما بالنسبه "للموقف التاني وان الواحد يحافظ على الصداقه " انا من رايي ماينفعش خالص ان الواحد يستمر في الصداقه المزوره دي ويحاول بجد مايتمسكش بيها خالص وربنا هيوقفله ناس زيه وزي طبعه ان شاء الله
ويعرف بجد ان الصديق المزعوم انه وفي هو انسان مريض وقلبه مريض وفعلا مايستحقش انه يصاحب واحد له روح صادقه
وربنا يرزقنا كلنا الصحبه الصالحه
ــــــــــــــــــــــــ
اتمنى تكون وجهه نظري فهمتيها ويارب تفيد
التوبيك رااااااااااائع جداااااا ومهم جدااااااا وسوري على الاطاله

انا رائي ان نحمد الله علي الحقيقه ان معرفه الحقيقه خير من تعيش في وهم وتنصدم في اخر عكس الي كنت عايشها هيبقي وقتها صعب صعب صعب اوي وممكن يحصلك حاجه وقتها
بس اعتقد ان الوهم في اغلب الاحيان في مواقف بيكون افضل من معرفه الحقيقه اللي هتكون قاسيه بس معرفتها افضل بكتير حتي لو اشد واقوي لان دي الواقع
وفي ناس كتير اوي الزمن دي بجامل ناس علي حساب ناس لحسابهم الشخصي والمصلحه وكله بقي يكدب علي كله
دا رائي الصغيور اتمني ان يعجبكم