من هنا اجعل موضوعك تحفه فنيه لاجبار المشاهد على قرأته كاملا

من طرف **mahmoud elesaway** الثلاثاء أبريل 05, 2011 10:58 pm

قصة حقيقية باحداثها

كان في يوم نمول رايح للروضة شاف في طريقة نملة..
حبها من أول نظرة ودخلت قلبه ودخل قلبها..
نمول كان فقير ونملة كانت من عائلة ارستقراطية..
كبر حبهم ودخلوا المدرسة وهم ينتظرون شوكت يكبرون حتى يتزوجون..
وكل يوم نمول يحلم بنملة وهم في بيت الزوجية.. كبر نمول وكبرت نملة..
كمل نمول الكلية وتخرج بشهادة عالية واشتغل واشتغل علمود من يتقدم لنملة يكون حاضر لكل شي..
نمول صار عمره 26 سنة ..
وقرر أخيرا قرر يتقدم لأبو نملة..
دخل لبيتهم الفخم شاف الاثاث الفاخر..
بصراحة خاف.. ارتعب..
نزل ابوها نملي باشا من الدرج والسيكارة بحلكه..
نملي: شتريد ابني.. ، نمول: اريد اطلب ايد بنتك نملة..
نملي باشا: شنو.. انت جاي تطلب ايد بنتي؟..
انت مخبل؟ اني نملي باشا المليونير تجي انت الحافي ابن الحافي تطلب ايد بنتي؟
امشي بره يا كلب...
نمول كلش انقهر. فكر بالانتحار لأنه انحرم من حبيبته..
أحد أصدقاءه نصحه أنه يسافر للخليج ويشتغل وينسه..
نمول راح سافر للإمارات اشتغل ربح جمع فلوس وجمع أكثر...
مرت سنوات ونمول يشتغل ويجمع علمود يرجع لبلده ويتزوج حبيبته اللي تنتظره بفارغ الصبر..
صار عمره 36 سنة.. قرر أخيرا يرجع لبلده.. رجع لأهله وهو عنده ثروة ومليان ثقة بالنفس..
نمول دخل بيت أبو حبيبته نملي باشا بس هلمره مخاف ومنرعب من الأثاث.. اجه ابوها..
نمول كله بكل ثقة آني اشتغلت وصار عندي ثروة هسه واريد اطلب ايد بنتك..
نملي باشا وافق من شاف نمول هيج زنكين..
نمول ونملة طارو من الفرحة وتمت الخطوبة وبعد اسبوع قررو الزواج..
والفرحة تملي قلوبهم..
وهم طالعين بالزفة واحد غبي داسهم بحذاءه وماتو