طبعا كلنا عارفين الشباب اليومين دول زي مهو مش بيفضل

في جيبهم مليم احمر اخر اليوم

كمان مش بيفضل في رصيدهم قرش واحد حتي يدي بيه ميسد كول

فزميلنا ده قرر انه يطلب من مامته فلوس علشان يشحن ولكن

للاسف باباه حالف علي مامته بالطلاق لو ادتله فلوس او حتي حولتله رصيد

فقرر انه يتصل بتيته علشان يطلب منها فلوس وكان الحوار كالتالي

هو : إزيك يا ستى .

هى : بنتى .. إيه بنتى دى يا قليل الأدب .

هو : يا ستى بقولك إززززززززززيك يا ستتتتتتتتتتتتى .

هى : أنت بتزعق ليه يا واد أنت أنا بافتكر بتقول بنتى .

هو : بتفتكرى إيه !! هو أنتى يا ستي حتى بتفتكرى إسمك .

هى : جسمك .. ماله جسمى يا قليل الأدب .

هو : يا ستى إرحمينا شويه بقي وشيلى الزلط اللى فى ودانك .

هى : قدامك !؟ هو إيه اللى قدامى يا واد أنت .

هو : يووووووووووووه يادى النيله .

هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .

هو : يا حول الله يا رب هو حد جاب سيرة البليله يا ناس .

هى : القلقاس !؟ أه بأحب القلقاس أهو كله نعمة ربنا .

هو : يا ستى ابوس ايديكي أرحميني أنا لا جيبت سيرة قلقاس ولا أناناس .

هى : لأ لأ لأ عيب يا بنى ..عيب لما تجيب فى سيرة الناس .

هو : يا ستى هو أنا جيبت في سيرة حد .

هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد .

هو : لا يا ستى النهارده الخميس .

هى : البوليس!! وعايز منك أيه البوليس إنت عملت إيه يا منيل على عينك؟

هو : يييييه بقولك إيه يا ستى نفضى ودانك وطرطقيهم كده وإسمعينى .

هى : رضعينى !! أرضعك إيه ياواد أما إنك قليل الأدب صحيح .

هو : يا ستى أنا إتفطمت من زمان الحمد لله بس عايز منك قرشين كده سلف .

هى : علف !! إنت بتربى بهايم يا واد ؟؟

هو : يا ستى بقولك سلف !! سلفينى خمسين جنيه عايز أشحن التليفون .

هى : كومبيليزون !! كومبيليزون إيه يا للى مش متربى .

هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن .

هى : أشتم !! وكمان عايز تشتم يا قليل الأدب .

هو : بقى كده يا ستى طب ماشى خدي عندك بقا !! بقولك إيه يا ستى .

هى : وظيفتى .. وظيفة إيه يا بنى أنا طالعه علي المعاش من زمان .

هو : رمان إنتى عايزه يا ستى تاكلى رمان .

هى : أه نفسي في السمان .. هو فيه سمان دلوقتى يا بنى من بعد أنفلونزا الطيور .

هو : أه العبور !! أه ده كان سنة تلاته وسبعين .

هى : سامعين ؟؟ سامعين إيه خير الله إما إجعله خير هو فيه حاجه .

هو : بتقولي ايه يا ستى ..عايزة قهوة سادة .

هى : عياده ..عايز تودينى العيادة ليه يا بنى هو أنا عيانه .

هو : صقعانه .. صقعانه ليه بس يا ستى دا حتى الجو النهاردة حر .

هى : كفالله الشر !! شر إيه يا بنى اللى بتقول عليه ده .

هو : بقولك إحنا على البرررررررر .

هى : أه يابنى منا عارفه الخروف ليه فرو .. وبيبقي كمان تخين .

هو : أه إبنك حسين !!..ماله إبنك حسين .

هى : العجل سمين !! أه هانجيب إن شاء الله في العيد عجل ندبحه ولازم يكون سمين .

هو : إيه يا ستي بتقولي ايه .. أسفين .. طب أسفين ليه !!

هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .

هو : ياااااااااااااااااااااااه أخيرآ يا ستى الحمد لله .. هاتى بقى .

هى : أجيب إيه ؟

هو : هاتى الخمسين جنيه !!

هى : تحسين بيه .. تحسين بيه مين يا واد .

هو : يالاهووووووووووووووووووووووووى

ثاتكس بس انا معتقدش انك قرأتها
بس شكرا ع المرو

ههههههههههههههههههههههههههههههه
الله يكون ف عونه بجد ده انا تهت وانا ف بيتنا
تسلم ايدك يا محمود

اسلملك ع محمد مين :D
معلش سيتى عتدتنى

هههههههههههههههههههههههههههههههه
دى حاجة صعبة جدا
-------------
ميرسى ليك

thx flower

هههههههههههه
جميل يا محمود
تسلم ايدك

thnx sadbird

ايه الرد الجامد واثقه انتى من نفسك اوى كده ليه
اولا انا لما بدخل توبيك ومش بقرأوه الكل عارف انى بكتب انا مش قرأته بس حبيتى اعلق ع العنوان وحصلت اكتر من مره
بس انتى اظاهر انك لسه جديده متعرفنيش كويس
وياريت لما تكلمى معايا يكونى اسلوبك مفهوش هجوم اوى كده
احنا هنا اصحاب
ومتزعليش لو كان ردى ضايقك انا بس كتبت كده لانى نزلت التوبيك وبعده بوقت قليل كنت انتى كتنبتى الكومنت ده اعتقادى انك مش هتلاقى الوقت تقرأيه

خلاص عادى
انا مكنش قصدى اضايقك بس
خلينا نكون اصحاب وننسى الخلاف ده
وع فكره انا بحب ياسمين عبد العزيز اوى
nice pic & nice name

جميل جدا جدا يا حوده تسلم ايدك


وعلى فكرة يا الحب
المفقود


محمود مش قصده خالص هوه بس بيحب يهزر كدا وبعدين ده محمود عسل يعني منزعلش منه هههههه

ماشى يا عم محمد
الادمن بنفسه عمل كومنت ع التوبيك انا ليا الشرف والله

عادى اى صوره هتحطيه انا هاحبها

يا ستي خليهاله علشان يفرح شوية هههههههههههه

الله يخليك يا حوده ده من ذوقك


اهم حاجه مفيش حد يزعل من حد كلنا هنا اخوات

خلاص عادى بقى
وع فكره البت دى بحبها اكتر من ياسمين
وبعشق فليم twilight
هههههههههههههههههه
وبعدين اتعودى بقى احنا خلاص بقينا اصدقاء

بلاش غلاسه يبني

غتت بس مينفعش كدا ههههههههه


اي صورة تحطيها اكيد جميله كفايه انك انيت ايل مختاراها

لاء انا شوفت الجزين
وادوادروا وجاكوب
ولسه الجزء الثالث مستنى بس ينزل بصوره حلوه عشان اشوفه
والله انا لو مش بقرأ اى توبيك بدخل واقول يا جماعه التوبيك انا مش قرأته بس اكيد هيكون جميل لانه انتى اللى كتباه
وبعمل كومنت ع العنوان
واسألى محمد اهو الادمن وكل شويه يمسحلى المزاج

يبني انا زيك واقل كامن ايه ادمن والكلام ده