موضوع قراته في احد المنتديات وشدني جدا 
وحبيت اطرحه ليكم هنا
هل ممكن تقبل الارتباط بفتاه هي اللي طلبت منك الزواج على غير عادات وتقاليد المجتمع بان الشاب هو اللي يتقدم لها
موضوع غريب شويه بس ياريت اعرف رايكم فيه
وهل انتي كفتاه ممكن تقبلي حاجة زي دي ؟
وخلينا نقول فيها كل المواصفات اللي تتمناها في شريكة حياتك
ايه نظرتك للموضوع ده
مستنيه ارائكم ........







التوقيع : 
لا تجعل مشاعرك ارضا يداس عليها .... بل سماء يتمنى الجميع الوصول اليها


   

مهو البنت مش هتروح تخطب الولد من باباه هتروح تقوله معجبة بيه وخلاص

وبدام البنت فيها كل مواصفات فتاة احلامه يبقى يرفض ليه

لية الرفض طلما هما بيحبوا بعض والبنت فيها كل المواصفات ومش فارقة البنت ولا الولد الحب يغطي علي كل شئ
وشكرا يا دموع علي الموضوع وانتي منورانا

اكيد مش هيبقى فيه رفض بس هيبقى فيه تردد من الولد بردو تقريبا !!!!!!

عادي جدا مفيهاش حاجه بس لازم طبعا هوه يحس بده بردوا انه عاوزها يعني

انا عن نفسى لا طبعا مش موافقاكم
وان شاء الله فين كرامه البنت دى
هو لو عايزها بجد هو اللى هيروح يتقدملها
يعنى مش هى اللى هتجرى وراه
وعلى فكرة يا دموع الورد توقيعك مؤيد لرايى ده
لا تجعل مشاعرك ارضا يداس عليها 000000 بل سماء يتمنى الجميع الوصول اليها
يعنى من الاخر محدش يستاهل ان اى بنت تذل نفسها لحد مهما كان الحد ده
معلش طولت بس يارب تكونوا فهمتونى

المجتمع بقى اكثر فى التطور والانفتاح وزى ما فيه بنات بتحب تحافظ على كرامتهاودا الطبيعى فيه بنات ممكن تعمل اى حاجة

وزى ما بيقوله بردو يعنى لكل قاعدة شذوذ

اه ده اللى ناقص فعلا

ان شاء الله يحبه برص

هههههههههههههههههههههههههههههههههههههههه


ايه ده يا رؤه برص


يا جماعه ده حسب حب البنت بقى يعين افرضوا هوه مش واخد و باله منها ازاي تعرفه انها بتحبه

عنه ما اخد باله يا محمد
اهم حاجة زى ما قلتلك الكرامه
وبعدين هو عمره ما هيحترمها اذا قالتله
يبقى ليه تقلل من نفسها وعشان ايه
يعنى هو كان بارم ديله ومفيش زيه

انا راى زى رأى اسما واسراء
انه ما تنفعش بنت هى اللى تقول لولد

يا اسما هيه مش لازم تقوله كدا مباش في الف طريقه تانية

ممكن تحسسهاله او توصلهاله بائي طريقه

الولاد طبعا بيقولوا غير اللي حسينه اول مواحدة تقولك الكلام ده هتنزل من نظرك طبعا بس لازم تعمل فيها جنتل قدامنا بس انا لو ولد فعلا هرفض البنت دي وبعدين لو هو مش حاسس بيها فليه تصغر نفسها بالشكل ده 

اه نسيت اقولكو الحب احساس متبادل يعني مش محتاج كلام 

ايوة كده يا دموع
والحمد لله ان رايك من رايى
وانا عارفة ان ده برده راى كل البنات
وعلى فكرة انتى منورة المنتدى كله

ده نورك ياقمر

يا دموع انا مقلتش انها هتنزل من نظري بس بجد هيه لو بتحبه اكيد هيحس بيها مش لازم تقله بس هيا لازم تعمل حاجه توصله بيها حبها ليه مش لازم تقلهاله مباشره

الموضوع بيقول لو هي طلبت ايدك؟ هتعمل ايه اكيد هتسأل نفسك الف سؤال ليه؟!!! فاهمني 

فهمتك يا دموع اكيد مينفعش انها تقله عوزه اتجوزك كدا من غير ميكون في مقدمات

ولكن ده محتمل الان هههههههههههههههههههههههههههههههههههههههههههههههههههه

هو ايه ده اللى محتمل الان يا زنون
وبعدين انا مش عارفة انت بتكابر ليه عارف انه مينفعش خالص وغلط ومش تبع تقاليدنا وبرده بتقول عادى
انت بس مش عايز تقول اننا عندنا حق

ايه يا اسماء هوه الي تناقش معاكم يبقى بيكابر وبعدين انا قلت ايه غلط انا بقول انه منفعش ترحله كدا وتقله بحبك او عوزه اتجوزك انا معاكي ان ده غلط ومنفعش

بس انا قلت انها تحاول توصلهاله باي طريقه الان حبها ده لازم هيحس بيه

اسماء قصدها انه مينفعش وانت بتحاول تقول مبررات لكن انت حاسس من جواك انه مبنفعش بس فقول انه مينفعش بكل صراحة من غير تذويق كلام اعلنها عالملأ يلا قول علشان اسماء ترتاح وانا كمان

هههههههههههههههههههههههههههههههههههههه


اشي يا دموع انا مبزوقش ولا حاجه بس ادام ده هيريح اسما وهيريك خلاص انتوا رايكم صح

بس انا بردوا مقتنع بالي قلته

ههههههههههههههههههههههههههههههههه

شوف دموع فهمتنى ازاى
برده لسه بتكابر بس انا واثقة ان رايك من رايى انا ودموع
قول قول الاعتراف بالحق فضيله

هو فيه الكلام ده بره في الدول التانيه مش في مصر طبعا بس في فدول تانيه كتيره بره الحاجات دي بتحصل والبنت هي اللي تقول للولد انها بتحبه وعايزه تتجوزه و الولد مبيقولشي لأ
بس هنا في مصر ده وضع تاني خالص ومش كل صوابعك زي بعضها البنت هنا لو قالت كده تبقى راحت في ابوزعبل هي في الغالب هتنزل من نظر الولد بس برده بكرر مش كل الولاد هيعملوا كده و البنت تنزل من نظره ممكن ده يخليه يتمسك بيها اكتر وزي ما قولت دي مفتوحه من الطرفين و برده بقول تاني مش كل صوابعك زي بعضها