السلام عليكم ورحمتة الله وبركاتة
ازيكو يا احلى اعضاء
انا هعملكو النهاردة صنية مكرونة بالبشمل
ودى بقى لعبتى
ههههههههه
دى اول حاجة اتعلمتها ف المطبخ
وكنت عاملاها النهاردة وطلعت تحفة
فقولت اعملهالكو وان شاء الله هتعجبكو
يلا نبدا

المقادير

مقدار يكفى صنية
المكرونة
كيس و نصف مكرونة من نوع الفرن
ماء +ملح وملعقة زيت للسلق
الطريقة
نسلق المكرونة فى ماء كافى ونضيف للماء الملح و الزيت وقبل تمام النضج نننزعها من النار و نصفيها

الصلصة البيضاء (البشاميل )

2.5 كوب لبن
5 ملعقة كبيرة دقيق
5 ملاعق سمن كبيرة
2 بيضة كبيرة او 3 بيضات صغيرة
ملح و فلفل اسود

الطريقة

نختار اناء منحدر الجوانب
نضع به كمية السمن وعند التسخين ننزل عليه بالدقيق دفعة واحدة
ونقلب سريعا فى اتجاه واحد
نضيف اللبن على الخليط بالتدريج مع التقليب فى اتجاه واحد حتى لا تحدث كلكعة
وبعد ذلك نتركها جانبا لتهدا حرارتها
نضيف بيضة او بيضتين للخليط بعد ان يهدا و نضيف الملح و الفلفل الاسود للخليط

مقدار العصاج

من ثلث الى نصف كيلو لحم مفروم
2 بصلة كبيرة مفرية
2 ملعقة سمن
ملح و فلفل اسود

الطريقة

نضع السمن فى الاناء على النار ثم ننزل بالبصل عليه ونشوحه حتى يصفر لونه قليلا ننزل عليه باللحم المفروم ونقلب الخليط حتى يتجانس و يختلط نضيف الملح و الفلفل للمقدار السابق و نتركه ينضج على نار هادئة ويقلب من وقت لاخر و ممكن اضافة ملعقتين ماء اذا احتاج للنضج ثم نتركه جانبا بعد تمام النضج

طريقة تجميع المكونات

ندهن صنية بالسمن جيدا
نضع نصف مقدار البشاميل على كمية المكرونة و النصف الاخر للوجه العلوى للصنية
نضع نصف مقدار المكرونة الممزوجة بالبشاميل فى الصنية
نضع مقدار العصاج الناضج
ثم نضع باقى مقدار المكرونة
ثم نضع مقدار البشاميل اعلى طبقة و نسوى الوجه بها
ثم نضع البيضة الباقية مخفوقة ومملحة وبها فلفل اسود ويدهن الوجه بها و توضع الصنية فى الفرن للتسوية تكون معدة بتسخينها قبل ذلك و وتكون درجة حرارة ساخنة لان كل المكونات ناضجة
وعند تمام التسوية واحمرار الوجه
نخرجها من الفرن
وتقدم

وبالهنا و الشفا

تسلم ايدك
والله يا بنتى المنتدى من غيرك معرفش كان هيبقى عامل ازاى

ربنا يخليك يا محمود
بالهنا والشفا

تسلم ايدك يا بوسى

بالهنا والشفا يا صافى
نورتى يا جميلة

عفوا يا احمد
بالهنا والشفا