فتة بالخل والثوم

أوّل طبق معانا النهارده هو طبق الفتة بالخل والثوم؛ وده لأن ما فيش حد في مصر كلها ما بيفطرش فتة في أول يوم العيد.. ودي أحسن طريقة ممكن إنك تعملي بيها الفتة في العيد..

المقادير:

• كيلو لحمة ضأن.
• 3 أكواب أرز.
• بصلة كبيرة ومقطعة قطع صغيرة.
• بصلة كبيرة مقسومة نصفين.
• 2 فص حبهان.
• ملعقة قرنفل.
• 6 فصوص ثوم مفرومة.
• 2 رغيف خبز محمص.
• نصف ملعقة صغيرة مبشور جوزة الطيب.
• أعواد قرفة.
• ورق لاورا.
• ملح.
• كوب كبير عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض.

الطريقة:

1- اسلقي اللحمة الضاني وضيفي إليها عند السلق البصلة المقسومة نصفين وورق اللاورا وفص الحبهان وملعقة القرنفل والملح وسيبيها لغاية ما تستوي.

2- أثناء ما اللحمة بتستوي أحضري الأرز واغسليه، وأحضري صينية متوسطة الحجم وحطيها على النار وحطي فيها ملعقة ونصف سمنة، وضيفي إليها الأرز وقلبيه على النار لمدة خمس دقائق، بعد كده أحضري ماء وضيفي إليه شوية ملح وضيفيه للأرز وسيبي الأرز على نار هادية لغاية ما يستوي مع التقليب من وقت للتاني.

3- أثناء ما الأرز بيستوي أحضري بصلة وقطعيها قطع صغيرة وحمّريها في السمنة لغاية ما تلاقي لونها بقى أصفر، ضيفي إليها الثوم مع التقليب لمدة خمس دقائق، بعد كده ضيفي إليهم كوب عصير الطماطم والصلصة ومعلقة الخل وسيبيهم على نار هادئة لمدة 10 دقائق، بعد مرور عشر دقائق ضيفي إليهم كوب من الشوربة وقطع اللحمة وسيبيهم على النار لمدة ربع ساعة.

4- أحضري صينية وقطعي فيها الخبز المحمص، وضيفي إليه شوربة اللحمة وسيبيهم لمدة عشر دقائق علشان العيش يتشرّب من الشوربة.

5- أحضري طبق كبير وحطي فيه الأرز والخبز ومن فوقهم الصلصة واللحمة....

ايون ايون يا جميل تسلم ايدك
عايزه اتزوق بقي ههههههههههههههههههههههههههههههه
متنسيش تعزميني
كل سنه وانتي طيبه

جمييييلة اوى
تسلم ايديك

ههههههههههههههه من عينى مروة
وانتى طيبه يا قمر
ميرسى يا سااااااد

ياااااااااااااااااااااااااااااااااااااااااااه عينى ع الجمال والله الواحد مش عارف يودى جمايلكوا دى فين
تسلم ايدك

هههههههههههههههههههه ميرسى يا محمود

لا بتكلم بجد والله انتوا مظبطنا
وحلوه اوى ندال وفيدرير
انا ساعات بتابع اخبار بطولات التنس كده ع خفيف وبحب ندالى اوى

ههههههههه ميرسى دا من ذوقك يا محمود

انا كمان بحب التنس جدااااا
بس بحب فيدرير اكتر شويه

جميل جدا يا صافى
تسلم ايدك
كل سنة وانتو طيبين

ميرسى يا بوسى يا قمر
وانتى طيبه يا رب

فدرير
هما ندالى فدرير عاملين زى تامر و عمرو عندنا فى مصر
بس الاتنين كل واحد له ارض يلعب عليها العشب فيدرير ملك والصلب ندالى بقى اسطوره الارض الصلبه دلوقتى بس انا بحب ندال

هههههههههههههه ايووووة جبت الصح هماعاملين زى عمرو وتامر
بس هما كمان اصحاب جداا فى الحقيقه
واى بطوله من غي واحد فيهم مش بيبقى ليها اى طعم

جميييييييله اووي يا صافي
تسلمي يا قمر
وكل سنه وانتي طيبه

شكراااا يا حبيبت قلبى
وانتى طيبه يا رب

ميرسى يا كريزى
نورتى الموضوع