سحلب باللبن


من المشروبات الشتوية اللي بتدي طاقة ودفء "السحلب باللبن"

المقادير:-

• كيلو لبن حليب.
• 1/2 كوب سمسم محمص.
• كوب سكر بودرة.
• 4 ملاعق كبيرة نشا.
• ملعقة صغيرة قرفة "اختياري"
• 2ملعقة فانيليا.
• كوب أرز مطحون ناعم.
• 1/4 كوب زبيب.
• 1/2 كوب تشكيلة من المكسرات المحمصة اللي موجودة عندك في البيت "سوداني- عين جمل- جوز-فستق-لوز".
• ملعقة كبيرة قرفة "للتزيين"
• ملعقة كبيرة جوز الهند "للتزيين"
• سكر للتحلية "اختياري"
على فكرة ممكن تشتري مسحوق السحلب جاهز من السوبر ماركت

الطريقة:

هتجيبي طبق كبير وتخلطي فيه كل المكونات السابقة ما عدا "اللبن" هتخليطهم كلهم مع بعض وتقلبيهم كويس، وبعد كده تجيبي كسرولة وتحطي فيها اللبن الحليب وتضيفي له مقدارا من السحلب اللي أنت عملتيه أو اللي أنت اشترتيه وتحطيهم مع بعض على النار مع التقليب المستمر من وقت لآخر علشان مفيش حاجة تكلكع منك هتخليه على النار لغاية ما اللبن يغلي وبعد كده تصبيه في الفنجان أو الكوباية وتضيفي إليه السكر اللي أنت محتاجة له... ممكن تزيني الفنجان بشوية قرفة مطحونة أو جوز الهند.

ميرسي ليك
جمييييييييييل جدااا
اهي دي التوبيكات اللي تبقى في البرد موش الناس اللي عاملة ايس كريم

توبيك راااااااااااااااااااائع



بس ممكن بلاش لبن

ويبقي اختياري
هههههههههههههههههههههههههههههههههههههههههههههههه
تسلم ايدك

جمييييييييل اوي
تسلم ايدك يا محمود

tabkee كتب:ميرسي ليك
جمييييييييييل جدااا
اهي دي التوبيكات اللي تبقى في البرد موش الناس اللي عاملة ايس كريم

ميرسى تبكى
وبعدين مالكيش دعوه بالناس اللى عامله ايس كريم دى ناس زى الفل ههههههههه

صمت الكلام كتب:توبيك راااااااااااااااااااائع



بس ممكن بلاش لبن

ويبقي اختياري
هههههههههههههههههههههههههههههههههههههههههههههههه
تسلم ايدك

نورتى يا صمت
وبعدين انتى تؤمرى بلاش لبن لو مش بتحبيه نعمله باللبن

هههههههههههههههههههههههههه بهزر طبعا
انتى بس تؤمرى انتى عاوزه ايه وتبكى هاتعملك اللى انتى عاوزه لان جايز انتى مكنتيش موجوده ايام ما انا كنت فى المطبخ

نظرة وداع كتب:جمييييييييل اوي
تسلم ايدك يا محمود

ميرسى يا نظره
حلوين اوى الفرشات اللى فى الصوره دول

جميل اوووووووووووووووووووووي يا حوده شكلك كدا سبت الفيزيا ومسكت في الطبخ
شغلانه حلوه بردوا دراسه ايه بلا وجع قلب

ايه يا محمود الشطارة دى مش ممكن تكون دخلت المطبخ وجربت
جميل التوبيك
تسلم ايدك

ههههههههههههههههه
شاطر يا محمود فى تقدم
شكل مشروع الريستران بتاعنا هينجح

ههههههههههههههه
ايون يا صمت انا هعملك اللي انتي عاوزاه

بلاش محمود عشان لما بيدخل المطبخ بتحصل كوارث

ههههههههههههههههههههههههههههههههههههههه
فعلا المطبخ دا مش من الاماكن المفضله ليا عندنا فى البيت
تبكى هاتقوم بالواجب وزياده
وانا وبوسى هانفتح راتسوران خطير ع اول الشارع ان شاء الله ( عربيه كبده ممكن كبدايه )

ههههههههههههههههههههههه اى التطور ده يا محمود من مكرونة لسحلب كويس خالص
بلا فيزيا بلا بتاع خليك ف الكبدة

ههههههههههههههههههههههههههههههه
امنيه نورتى المنتدى تانى

ده نورك يا باشا
ربنا يخليك بس انا عاوزة كبدة ههههههههههههه

عنيا
الكبده ان شاء الله التوبيك الجاى
ع ما ماما بس تكون نسيت اللى حصل فى البوتاجاز بعد السحلب
مينفعش كله ورا بعضه امى ممكن مدخلنيش البيت مش المطبخ بس

هههههههههههههههههههههههههههههههه
ربنا يخليهالك ويعينها يا محمود
ان كان كدة خلاص اسمحلى اعمل انا الكبدة

حسنا لكى ذلك

صباح الدفا والجمال
تسلم ايدك والله

sba7 el 5er

اظن النهارده هو اليوم المناسب للتوبيك دا
الجو ثلج