كانوا فاكرينها دايمة _بس هى دى احلامنا
كانوا فاكرينها دايمة بس طلعت زى جبل الثلج اول ما تطلع علية الشمس هيدوب وينحل فى ثانية
استنينا كتير وكتير علشان يكون فية تغيير بس هو فين التغيير ماهو التغيير فى نظرهم
قتل وضرب واغتصاب فى السجون والميادين
ادينالهم فرصة واتنين وتلاتين لكن مين هيسمع
دول عملوا ودن من طين وودن من عجين
كانوا فاكرينها دايمة
حلمنا باحلام صغيرة كان نفسنا البلد تتغير بس بطمعهم وجشعهم حطمولنا الاحلام الصغيرة
بس على مين دا احنا المصريين
جمعنا الاحلام الصغيرة وعملناها حلم كبير وخليناة حلم ااملايين
حلمنا باراضى خضرة ومصانع شغالة ومفيش انضف من النيل
حلمنا بميا نضيفة ولؤمة عيش حلال
حلمنا الخير يدوم مش ساعة والسلام
حلمنا نعيش فى سلام الكل يحب بعضة ويخدم المحتاج
مصالح تنقضى بسرعة وتعليم بالمجان
حلمنا نخلص تعليم ونلاقى فرصة عمل
حلمنا الكوسة تمشى ويكون فية عدالة بين الشعب كلة وبين كل الاجيال
ميكنش فية فرق بين الغنى والفقي
الغنى غنى اللة والفقير فقير لله
وكلنا فى الاخر لله
تيجى انت يا بنى ادم تفرق بين الاتنين
حلمنا بشوارع نضيفة وبيوت لكل الناس مش ناتس عايشة فى قصور وناس مش لاقية مكان
حلمنا بريس عادل يخدم كل الناس يشوف مصالحهم بنفسة مش منصب وخلاص
حلمنا باعلام نضيف مش اعلام كداب
يذيع اخبار صحيحة ويشوف الحقيقة من وجهة نظر الشعب مش من وجهة نظر الفساد
حلمنا بمحاكمات عادلة لكل رؤوس الفساد مش تبقى محاكمة عادلة لكل الشعب العادى
وتيجى لحد الوزراء والريس كمان وولادة ويكون كلة ظلم وافترى وادعاء
هما فاكرينا ايه فاكرينا مش بنفهم او اغبيه وجاهلين
ده احنا فاهمين كل حاجه بس ادينا ساكتين
ساكتين بمزاجنا عليهم عايزينهم ييجيبوا اخرهم علشان ناخد قرارنا
ياترى هيكون فى ثوره تانى ولا هنكتفى بتنبيه
حلمى زى حلم اى مصرى نفسه فى بلد متطوره وتكون اجمل دول العالم
ولا هتخليها زى ما هى من دول العالم التالت وكمان العالم النامى
علشان ده كله يحصل لازم تبتدى بنفسك
غير انت من نفــــــــــــــــــسك واكيد هتتغير بلدك
(مريـــــــم)