ااااااااااااااااااااااااااااااااه يااااااااااااااااابلد
بلدنا مجروحة بسلاح فى ايدينا بلدنا مسروقة واللصوص حوالينا
استغلونا استغلال سخيف دمرونا وملكوا جوانا الضعيف
خليناكى يا بلدى ليهم ارض خصبة فى ملكهم
وبادينا احنا نحميهم ده احنا اصلا منهم
ده شعور يا بلدى فينا زرعوه الخونة من سنين لينا
اخويا اللى مات ولا اخوك باعوا روحه بالرخيص ومش بعيد يبيعوك
استغلوا جهل ناس احلامهم اهدافهم حياتهم ( مفيش )
بيوتهم فوضى الشوارع اكلهم ياناس حشيش
يابلد الكبير فيكى مهان والصغير مش لاقى الحنان
نص الشعب جبان والمعظم اصبح جعان
يابلد سنة اولى حرية خدى بالك الفوضى جاية
مفيش كلام قديم ولا جديد انا بس مفطور من كارثة بورسعيد
انا سنى صغير لكن عقلى شاب شفتك يا أمى عايشة فى عذاب
ولادك يا أمى ضلوا السبيل واحد قاتل والتانى ساعده والتالت قتيل
ولادك يا مصر بقوا سلبيين سلموا رقابتك لمنافقين
اخواتهم قتلوا بعض ولسة بالسلبية واقفين
يا ناس مش لاقى روحى انا قتيل؟ ولا غرقان فى جروحى
الكل يشوف مراية ضميره ممكن يحس بان ايده ملوثة بالدماء
هو باع قضية امه واكتفى ولبس عباية الوفاء؟
حقك يا مصر عليا انا قصرت كتير واوعدك ان مع ضميرى هشترى الف ضمير
مش هسكت ع الخيانة يا أمى ولا هنكس راسى فى الطين
ده قرار ابن ليكى مخنوووووق صوته ضايع فى صوت ملايين
انا اسمى يا أمى محمود وهكتب ليكى ملايين العهود
راح زمن البرود والجمود وجه زمن الصمود باقوى مجهود
يا ترى مين معايا من القلوب قبل ما طوفان الفوضى فيه ندوب
نقسم بكل غالى اننا بجهودنا السريعة هننقذك يا مصر قبل ماتكونى صريعة
نعم زعلنا عليكى زى شهدائنا الامجاد لكن عمرنا ابدا ما هنقف لمصر حداد


محمود نجيب الزفزاف