مخلوق جميل ورقيق
ومعظمهم ساذج
بس لذيذ
ومش مفهوم
الكل يجد صعوبه فى معرفه ما تريده حواء
وبتحب الكذب مووووووووووووووت
بس مش م\بتبقى محترفه فى الكذب زى الاولاد


بس سؤال وليكى الحق مش تردى يا نظره انتى ليه بتدخلى اوف لاين وياترى انتى دخلتى باسم غير ده قبل كده؟؟؟؟؟
وايه تصنيفك لادم
يعنى الشكل العام بالترتيب المرغوب فيه

ان بدخل مختفية لان مش عاوزة حد يعرف اني دخلت عشان ميحصلسش مشاكل
وانا فعلا كنت مسجلة قبل كدة
ورايي في ادم بالنسبالي حد اتسند علية حنين بس بيظهر عكس كدة شوية ومتزعلوش مني بحس انة في بعض الاحيان بيعامل حوا علي انها حد المفروض متفكرش ولازم تنفذ الكلام من غير اي مناقشة
سؤالي بقي لية ادم بيحب ان حوا تنفذ كل اوامرة من غير نقاش ؟

لالالالالالالالالالالا
ادم لو لاقى حوا بتنفذ كله اوامره
يبقى انسان غبى ومش متحضر
بس ساعات فى اوقات بتبقى محتاجه شده
ويكون الراى الاول والاخير لادم
وعن نفسى لو البنت اللى قدامى مش فاهمنى ودى عن معظم الناس اللى بقابلهم بنات وصبيان
مش ببقى مرتاح وانا بكلمها
لازم احس من كلامها انه بتعرف تتعامل مع المواقف
وده بيكون من خلال الكلام
يعنى النقاش شىء ضرورى والرسول (ص) كان بيستشير زوجاته فى بعض الامور
ويناقشهم مش عيب

طب لو ادم ارتبط بواحدة وعرف انها كانت بتحب حد ومرتبطة بية يا تري اية موقفة

مش عارف تصرفه هيبقى ازاى
بس انتى بتقولى كانت
اكيد هابقى مضايق جدا
وانتى عارفه ساعه الغضب يعمى البصر
ده لو عرفت من غيرها
لكن لو عرفت منها هى ممكن يختلف الموقف
واكيد نوع الارتباط اللى كان بينهم برضه
مش مجرد اعجاب يكون ارتباط
بس فى حاجه اممممممممممم
مش عارف والله يا حواء
عن نفسى مش عارف
سؤال صعب
ممكن تحذفى الكلام اللى فوق ده وتحطى نو كومنت

اوك يا محمود بس عاوزة اقولك ان لما الواحدة بتعرف من ادم او من غيرة بتسامح وبتنسي الماضي لكن هوة حتي لو كان مجرد انها حبت حد قبلة بتخدة رجولتة اوي وبيسيبها ودة اللي حصل في اغلب الناس دايما الولد مش بيتحاسب علي ماضية ومحدش بيعيبة بس لحد البنت يبقي لا
ماعلينا
طب اية تفسيرك لسكوت البنت مثلا لو حد ضايقها قصدي معاكسة يعني ولو ضحكت بردة؟

يظهر ان ادم معندوش اجابة او مش قد الحوار

ههههههههههههههههه
لا لاء
هو ادم بس عنده امتحان زريه 2 بكره الصبح فيختطف نظرات ع كل توبيك شويه كده
هو اولا انا مش بعاكس تقريبا يعنى مش بعاكس ههههههه
بس هى بتتفهم ع انها قبول وكمان ع حسب البنت دى
يعنى فى فرق بين الابتسامه الخفيفه دى ممكن تكون مشجعه انى اروح اكلمها
والضجكه المايصه دى ربنا يبعدنا عننها
ام السكوت بتبقى بنت خنيقه او محترمه (اخر سطر ده مش صح ع فكره بس من وجه نظر ادم بتاع 2010 بتبقى خنيقه)
اى سؤال تانى

سؤال ومحيرنى ليه آدم ممكن يتعرف على بنت ويحبها بجد اللى هو نادر يعنى ويبقى مقتنع بالعلاقة دى تماما
وفى نظره انها محترمة جدا ويقبلها شريكة حياته
ولكن لا يمكن يسمح لأخته بأى حاجة من دى وتبقى ساعتها ف نظره مش صح

ده العادى يا امنيه
لان اولا البنت مش هتقدر تقول لاخوها انها بنحب شاب
ثانيا اخوها سواء عرف منها او بالصدفه
هتبقى مشكله
سؤالك ليه
عشان هو كده احنا كبرنا وتربينا ع كدهبس مش عارف ليه وعن نفسى عمرى ما هاسمح لاختى بكده

وهو كذلك وكمان لان البنت ممكن تتغاضى عن عيوب شنيعة ف الولد اللى بتحبه
عشان كدة الخيرة فيما اختاره الله ومفيش احسن من كدة

اوك طب لو البنت رفضت تكلم الولد بيبقي فكرتة انها بتتقل ولا عقد ولا اية؟

والله السؤال ده حواء هى الى تقدر ترد عليه
هى ليه اصلا بترفض تكلم الولد
مع انها ساعات بتبقى هتموت وتكلمه
مخلوقات متناقضه

اقولك انا يا ادم عشان لما بتكلم ولد بتخسر حاجات كتير اوي اولا بتفكر انها متخونش ثقة اهلها فيها
بتفكر في نفسها انها لو كلمتة ممكن تخسر احترامها لنفسها وكمان ممكن تخسر احترامة ليها
كمان عشان متعيش نفسها قصة وترجع تندم تاني
وانها ممكن متكملش وبالتالي هتندم ندم عمرها
وقبل دة كلة عشان دي حاجة حرام عشان بتعمل كدة من ورا اهلها

طب سؤالي انا بقي لية ادم في اغلب الوقت بيكون اناني مع حواء يعني في واحد لما يروح يكلم واحدة وترفض ياخدها مسالة كرامة ويروح يفكر في واحدة غيرها؟

انتى ردودك بتقتلنى ع فكره بس مقنعه وانتى صح فى كل كلمه قولتيها وبجد ربنا يحميك

ثانيا : الكلام ده يحصل لو كان عاوز يكلمها ع سبيل مضيعه وقت لما يبقى فاضى او مخنوق شويه من اصحابه يبقى في بديل
عشان كده لو البنت ده الشته هينفضلها ويشوف غيرها لكن لو حبها بجد مش هيفكر غير فيها

ع فكره انا مفيش كلمه فى التوبيك ده كله كانت عن نفسى
الكلام عن الولااد بصفه عامه
وكل قاعد وفيها استثناءات

لا مش للدرجة يا محمود يمكن مقنعة بس مش تقتل
وبعدين انت مش بتسال لية طب اسال انا
لما مثلا حوا تبكي قدام ادم بيعتبر دة اية وياريت تجاوب علي سؤالي لاني بقول انة بيعيش عليها يعني بيفكر انها ضعيفة اوي واوقات بيقسي اكتر؟

وبعدين انتى بتسألى كل اسئلتك عشان تظهرى البنى ادمين بصوره مش لطيفه وانا المفروض ارد بكل صراحه وهو ده اللى بيحصل
بس انتى عمرك ما شفتى ولد مخلص للى بيحبها
او انتنين مع بعض كملوا قصه حب لاخرها
او ولد حب بنت بكل اخلاص والبنت مكنتش تستحق الحب ده اساسا
او بنت تبقى مخطوبه لواحد وواحد تانى بيكلمها ومعيشاه قصه حب فظيعه
او او او او
فى مهاذل والله كل يوم بتسمع وتشوف حاجات تستنكر تقولها ع الملء سواء من الولاد او من البنات
انا قولت قبل كده انى بحب الافلام الاجنبى
وباخد منها جمل بتعجبنى اوى
كان بطل الفليم متخلف عقليا كان امه عاوزاه يعيش بين البشر عادى
فقالت threre are two kind of people good people and bad people
الكويسين والوحشين بيبقوا من الجنسين ادم وحواء
وبعدين حواء دى جزء من ادم ميقدرش يستغنى عنها لانها خلقت من ضلعه عشان مش يحس بالم وقتها يبقى هى الشخص اللى ممكن يريحه من الامه
وحواء خلقت من جزء قوى فى جسد ادم لانها تحتاج للقوه ومن يعطيها اياه هو ادم
ومش عاوز تريقه ع اللغه لانى اساسا كنت بنجح فى العربى العربى كله وبجاى اجيب درجات وحشه فى التعبير والنحو

يا استاذ محمود البنات بطبعها مش خاينة دى بتبقى حالات فردية الولاد بيخونو اكتروكمان عمرهم ما بيسامحو وبيفضلو دايما فاكرين اى غلطة انما البنت بتسامح وتنسى لما بتحب بجد وبعدين هو فى حاجة اسمها نظرة عابرة انتو بتبررو الغلط وسورى لو كان كلامى هيضايقك

كويس احنا اتفقنا نبقى صرحه مع بعض من الاول
يعنى هتتكلمى اصحاب مع بعض ومفيش اى زعل وانا عمرى ما هضايقك مش انا لوحدى اللى بمثل ادم هنا فى كتير هنا بس هما مش عارف سيبقنى ليه
المهم
انا كلامى عن كل الولاد وكل البنات مش بتكلم عن حالات خاصه
معاكى غلط النظره سهم من سهام الشيطان بس ان كنتى حضرتك يا حواء بتلبسى ع الاقل فيست طويل ومش مشكله الجينز وا تلفى الطرحه مظبوط مش لازم يعنى اسبنش او تلفيها فى هديه زى ما بشوف نص البنات بيعملوا كده
ده هيخلى اى ولد يبص لاى بنت ويبقى عاوز يكلمها ممكن اقلها عشان رهان بين اصحابه ويبقى مثلا ع شيبسى او كنز
واكيد انتتى عارفه كده
ثانيا انتى جيتى ع بعض كلمات انا قولتلها
انتى بتحبى تنقضى بس
بتقولى اللى ليكى ومش بتقولى اللى عليكى .. سورى
ولسه فى كلام كتير للحديث بقيه

هو لية الحب الاول ف معظم الاحيان بيفشل ويبقى مجرد زكريات

وبتبقى مش زكريات كويسه
بس اللى بيشغل عقله بيعرف يتخلص من الحزن والكأبه
بس مش فى معظم الاحيان
فى كتير نجحت وانا عشت منها كتير لان اصحابى كلهم اكبر من بكتير
وبعدين لو سمحت بلاش تبقى تقولى يا استاذ دى
يعنى لسه بدرى انا لسه اقل من 36 وبلاش احراج بقالنا سنتين فى الكليه ومش عارفين نكمل المستوى حرام يعنى

بس اغلبها بيفشل سواء بسبب حوا او بسبب ادم اي حد فيهم اتخلي عن التاني وتبقي زكريات مؤلمة اوي ومتتنسيش مهما حاولنا نتناسي

طيب فين السؤال
انتوا بتدخلوا يا اما تتعضروا ع كلامى
يا اما توافقوا عليه النقاش حلو اه بس فين روح المنافسه
ولا ابدأ اسأل انا

لا متخافش لسة عندنا اسئلة كتير
اية معني الرجولة بالنسبة لادم ؟

يا محمود من غير استاذ انا مش بحب انقض وخلاص انا بس رديت عليك بطريقتك لانى شايفاك بتنقض كل حاجة ف البنات وانا مقولتش ان البنات ملايكة والولاد شياطين اكيد فى الكويسين والوحشين من الجنسين وحتى لو انا بنقضك المفروض تتقبل النقض بسلاسة بلاش الافش ده