يا محمود من غير استاذ انا مش بحب انقض وخلاص انا بس رديت عليك بطريقتك لانى شايفاك بتنقض كل حاجة ف البنات وانا مقولتش ان البنات ملايكة والولاد شياطين اكيد فى الكويسين والوحشين من الجنسين وحتى لو انا بنقضك المفروض تتقبل النقض بسلاسة بلاش الافش ده

معنى الرجوله ان ادم يكون متحمل المسؤليه ده من وجه نظرى
يا أدم لما بتشوف واحدة ماشية كل يوم مع واحد شكل بتقول عنها ايه؟؟؟
هههههههههههههههههه بلاش تعرفى
والاغلب بيكلموها فضول زى ما قولتى واكيد مش هيكون حاسس باى امان
يعنى مفيش ثقه طبعا والعلامه اكيد هتبقى فااشله
انا بجاوب ع اسئلتك مش بنقضها وبحاول ادافع عن البنى ادمين من افتراء بنات حواء
وبعدين انا برج العذراء ميال لنقد (محدش ياخد الجمله دى بشكل جدى الابراج مع ان فيها كلام بيشابه شخصيه الفرد الا انها مجرد كلام )

وعندى سؤال كمان بعد أذن اّدم يعنى
هو ليه اما حوا تغير على اّدم
يعتبر اّدم ان الغيره دى حاجه خنقه عليه كده حتى لو كانت تستاهل انها تغير عليه بسبب
حاجه حصلت او كده,,,,,,,,أوووو مثلا مثلا يقول انها خفيفه مش تقيله وطبعا اللى أعرفه عن
اّدم انه بيحب البنت التقيله وسورى يعنى بيتمسك بالبنت اللى بتديله على دماغه
فلو البنت بتغير عليه تبقا لالا دى خفيفه خالص او خنيقه ولو مش غارت عليه تكون مش بتحس مثلا

وليييييه كمااااان اما الواحد يكلم واحده وقالت اوكى انهم يتكلموا يكلمها يومين وينفض بعد كده
ويقول لالا دى وافقت اننا نتكلم بسرعه يبقا مش تنفع مع انها بتكون بنت محترمه وكويسه
ولو هى رفضت انها تكلمه بيفضل وراهاااااا ويكون هيموت ويكلمها ولو مش رديت تكون اااف عليها
ولو وافقت يا سلااااام اخيرا وصلتلها يعنى الحكايه بتكون مجرد انه عاوز يوصلها علشان هى رفضت

انا حاسه انى قولت حاجات كتير بس بليز يااّدم ترد على كل الاسئله واكون ميرسى خالص


بس بجــــــد انا بحتــــــــــرم رأى اّدم جدااااا ومش بقول انه وحش ولا حاجه انا بردو عندى
اخويا اهوه وشاب بردو وهو الحمد لله كويس مش علشان اخويا بقول كده والله بس علشان
انا واثقه ان فى الكويس وفى الوحش سواء من اّدم او حواااا
خد راحتك بقاااا فى الاجابه لانى طووووولت كده اوووووى

بليييييييييييز يا آدم انا مش مكتفية بالضحكة عن اجابة سؤال البنت اللى كل يوم بتكلم واحد
وأرجو الإجابة بوضوح الحوار غرضه الافادة للجميع وطبعا محدش بياخد الكلام على نفسه
انا شخصيا مش هنقد اى رد مهما كان

ايه أكتر حاجه تلفت انتباه أدم لحوا من أول مره يشوفها فيها؟؟
هو دلوقتى الاول لبسها وشكلها يعنى اول مره يشوفها

الغيره دى مشكله عند كل الناس يا كريزى عند الولد والبنت مش ولد بس
وفى بنات فعلا بتبقى خنيقه بتزودها زياده عن اللزوم

الواحد لما بيكلم واحده وبعدين ينفضلها دى حاجه ترجع للبنا زى ما قالت نظره قبل كده وردت عليا بصراحه رد عجبنى جدا
بس التعقيب الوحيد ان البنت وافقت انها تقف مع الشخص الغلط

وبعدين يا كريزى انتى تطولى براحتك وجميل اوى اوى انى لاقيت بنت مقدره اللى بيحصل لولاد من افتراء

حاااااااااضر يا امنيه
لو هى معلقه كل ولد من دول ومعيشاهم وكده بتبقى كلمه متداوله بين الولاد وكلمه وحشه ومش ينفع تنكتب
وفى بنااااااااااااااات كتير بتوع مصالح
يعنى ساعه الامتحانات بيبقوا الصبيان زى ما بنقول الحرايق بتلاقى واقف معاه بدل البنت 3 او 4 وبعدين الامتحانات ما تخلص ولا اى بنت تعبره دول بنات مصلحه والاولاد اللى كده اغبيه لو فرحوا بكده
وارجو انى اكون جاوبت بس صدقينى مش هاقدر افسر اكتر من كده

جاهزه يعنى للرد ع الاسئله
وبعدين انا مستنى صاحبه التوبيك لما تقول زهقت اسـأل انت
وبينى وبينك هاخليها ترد ع كل الاسئله اللى موجهاها لادم بالنسبه لحواء
انا عاوزها تبهدل ادم اسئله عشان ده كله هيجى ع دماغها فى الاخر

اولا ميرسى
ثانيا ايه تفسير آدم لو حاول يكلم حوا واستجابت وكلمته مع انها محترمة جدا وده كان دافع لرغبته
فى انه يكلمها هل ساعتها بالظبط بيقول ياما تحت السواهى دواهى واللى كلمت واحد تكلم عشرة ولا ايه بالظبط؟؟
عاوزين اسئلة من آدم ومستعديين للاجابة

لا فكره يا امنيه انا بحترم اسئلتك جدا
بس انتى ليه بتركزى انتى ونظره كل سؤال تحطوا كلمه محترمه بعد كل سؤال
انا موافقك انها محترمه وفى ولاد محترمه برده فبلاش تظهروا بمظاهر الملايكه اوكى
بالنسبه لسؤالك اجابته ع حسب كل ولد وكل بنت
وع حسب احترام كل شخص لتانى ولنفسه قبل احترامه لاخر
اما اسئلتى استنى عليا شويه

هههههههههههه انا مش بركز على حاجة والله يا محمود تقدر تقول ان اى حد ممكن يبقى ليه مبادئ وافكار خايف تتغير مع الزمن
فبيحب يثبتها عنده يا ريت تكون فهمت قصدى اسئلتى معناها كدة اوك؟
ثانيا الكل بشر ومفيش ملايكة فينا انا متأكدة ان اسألتى كلها محايدة وبعيدة عن اى ميول لطرف اصلى لو ملت تبقى مشكلة ممكن يشك فيا هههههههه
ما هو رأى آدم فى الزى العصرى للمرأة؟؟؟؟؟؟؟؟؟

والله يا امنيه الولاد والبنات بقوا حاجه تكسف
اولا الاسبنش عند البنات والبناطيل عند الولاد
انا اه بسقط البنطلون بس يعنى بحدود مش للدرجات اللى بشوفها
وبعدين ع عوزانى اعقب ع زى حواء دلوقتى اعقب الاول ع الميكاب
يخريبت كده بتبقى البنت بيضه جداااااااااا
بس بصراحه اليومين دول مش عارف ليه البنات دى قلت او انا اللى ربنا هدانى مش بقيت ابص كتير



اه كنت قولتلك ان معظم البنات ساذجه بس الولاد لو عملوهم ع انهم مخلوقات ساذجه هيبقوا اغبيبه فى بنات بتحب ان هو ينضحك عليها وبتبقى مبسوط بكده وفى بتعدىبمزاجها يعنى الواد بيبقى بيسرح بيها وهى ودن من طين وودن من عجين بس برده بتبقى مفكره نفسها بوند بس فى الاول وفى الاخر بنت

ههههههههه علي فكرة يا محمود انا مستعدة اجاوب علي اي سؤال ومش هزهق ولا هيجي علي دماغي في الاخر ولا حاجة
سواء ادم او حواء في جواهم افكار عن الجنس الاخر يمكن تكون غلط او ممكن تكون صح
فاما الافكار تتغير او تثبت واحنا بنحاول نصلح افكار كتير في دماغكم وانتوا كمان
ودة هدفي من الموضوع وياريت الافكار الغلط دي تكون اتغيرت

اما بالنسبة للبنات ففي حاجات كتيرة مستفزة جدا زي الاسبانش واللبس الغريب دة
وبردة الولاد تلاقي الواحد لابس سلسلة في رقبتة
ومطولي شعرة جامد ولبس بردة غريب يعني مش البنات لوحدهم
هو لية ادم مبقاش عندة غيرة او خوف علي اي بنت مش تقربلة يعني بقوا هم اللي يغلثوا عليهم ويضايقوهم مع انة المفروض يحافظ عليها ؟ وكمان لو مش بيضايقوا البنات لية بقم سلبيين لو لقوا بنت حد بيضايقها يعني اكتر من معاكسة بيسكت لا وبيضحك كمان؟

سورى يا نظره انا تعبان النهارده ومش هاقدر ادخل فى سيمنار معاكى النهارده
بس صدقنى فى اسئله حلوه قدام
اما بالنسبه للشعر وطوله بعقل طبعا يعنى انا بشيل شعرى كل 21 يوم وبيطول تانى بغباء معرفش ليه ههههههههه
شعرى غريب
اما الولاد بيغيروا ع اى بنت مش قريبتهم عادى بتحصل كتير
ورد ع امنيه سؤال كان قديم وكانت بتقول مش بشوف بنات مخطوبه وبتكلم اكتر من شاب النهارده والله العظيم واحد صحبى ورانى بنت بيكلمها وانتيم رهيب والغريبه متجوزه قوليلى اعمل ايه بجد بقت البنات مش محترمه
هو فيه بنات محترمه كتير وعشان محترمه مش بتبان اللى بيبقى ظاهر الغير محترمين ومفيش حد محترم هيقول انا محترم
انا كنت قولت ربنا هدانى والحمد لله لو مادونا ماشيه جنبى مش هافكر ابصلها حتى معرفش حصل موقف معاى النهارده ضيقنى شويه بس بعد كده بقيت مبسوط يعنى وان شاء الله اكمل وابقى بيس كده ع طول

ههههههههههههههههه واضح يا محمود انك مرهق جدا فعلا
احنا هنعطيك اجازة وابقى كمل بعدين على ما تركز

ادعيلى بس يا امنيه عشان مش عارف فى ايه

ربنا معاك ومعانا كلنا يا رب
بالتوفيق للجميع يا رب

انا معاك يامحمود والله انهم هما الاتنين مش محترمين
واللي علي راسة باطحة بيحسس عليها
دول يعرفو كل الولاد اللي في المنتدي وبيقولو محترمين
دول بوظو سمعت البنات اللي في كلية علوم انا هحول من الكلية دي احسنلي

انا معاك يامحمود والله انهم هما الاتنين مش محترمين
واللي علي راسة باطحة بيحسس عليها
دول يعرفو كل الولاد اللي في المنتدي وبيقولو محترمين
دول بوظو سمعت البنات اللي في كلية علوم انا هحول من الكلية دي احسنلي


اهلا بيكي يا مهجه في المنتدى وفي الموضوع


بس بعد اذك ايه معنى كلام ده وهل انتي تقصديه فعلا ولا لا
ياريت تجوبيني عليه



لان لو هوه قصدك فعلا ومش هزار يبقى كدا انتي غلطي ومينفعش كدا خالص فيها ايه لما البنات الي في المنتدى يعرفوا الشباب الي فيه هوه ده فيه ايه مدام الكلام باحترام وكلنا اصحاب واخوات مع بعض ولا في حد بيغلط في حد ولا في حزار غلط ولا كلام مش محترم


ياريت تجوبيني

اولا
مينفعش تغلطي في حد مالكيش الحق في دي
هم حرين في تصرفاتهم
وهم مش بيعملوا حاجه غلط فيها ايه لو يعرفوا الولاد كلهم والولاد تعرف البنات
فيها لو نعرف بعض طول ما احنا بنكلم كلام محترم وكويس
وبنكلم كلام الناس كلها بتشوفه مش بنخبيه علي حد
ولازم وجود ترابط بين الرجل والمراه في المجتمع
لو كل واحد في حاله هنقسم المجتمع كدا
وممكن سوال انتي بعد ما تكبري هتلاقي شريك حياتك ازاي وانتي رافضه ان تكلمي حد
وكمان انتي حره في تصرفاتك احنا مش بنتحايل عليكي تكلمي حد وكمان متغلطيش في حد
قولي وجه نظرك بس مينفعش اللي قولتيه دي اوك

فيها كتير طبعا لان الحاجات اللي حضرتك بتقول عليها دي
مكنتش موجودة علي ايام الرسول
وكمان حرام اي علاقة بين اي ولد وبنت تحل لية
سواء كان الكلام باحترام او مش باحترام
وانا اقصد الكلام فعلا
الاحترام دة عند البنت اهم ميزة تميزها
يعني البنت من غير احترام متبقاش بنت
وعايزة اسال حضرتك سوال وحضرتك شوف اجابتة وحسب الاجابة احكم ان كان دي حاجة حرام او مش حرام
(حضرتك تقدر تروح عند اي بنت منهم البيت وتقعد معاها في البيت قدام والدها ووالدتها وبردة الكلام باحترام)

هلاقي شريك حياتي اللي ربنا كاتبهولي هييجي بيتي ويكلم اهلي ولو وافقو علية هوافق علية
وبردة بقولك الترابط اللي انت بتقول علية دة اكبر فتنة صلت في مجتمعنا
وكمان الولد مش بيخصر حاجة اهو بيسلي نفسة مع اي بنت وخلاص اما البنت تقدر تروح لاهلها وتقولهم
انها بتكلم ولاد
وعلي فكرة لو حضرتك تدور في كل كتب الدين هتعرف ان الاختلاط حرام
وبيشمل زنوب كتير جدا مش زنب واحد بس

ههههههههههههههههههههههههههههههه


والله بجد انتي ردك غريب جدا جدا

اولا لو حضرتكم فعلا ماشيه على الكلام الرسول لحظي لو ( تفيد الامتناع )
كنتي مغلطيش في حد ولا شتمتي حد وكدا طبعا انتي بكلامك ده شتمتي البنات الي في المنتدى كلهم وطبعا وزرهم عليكي بالاضافه ان حضرتك غلطي فيا وفي كل عضو في المنتدى وانا عن نفسي بقولك شكرا واجري على الله

ثانيا طبعا مقدرش اروح عنده البيت ده رد سؤال بس للعلم ان ده ملوش علاقه بالموضوع

ثالثا ايه فيها لما اروح اكلم وحده طلما ان قصدي خير ولا بكلم معاها في حاجه غلط ولا بطلب منها حاجه مشينه
وطالما اننا بنعملش حاجه غلط خلاص

وهل انا لما اتناقش مع وحده في موضوع كدا يبقى فيها حاجه ؟؟!!!؟

وبعدين لو حضرتك تعرفي الرسول فعلا وسيره الرسول

كنتي عرفتي ان بعد وفات الرسول كان الصحابه يذهبوا ليسألوا امنا عائشه في بعض امور ويتناقشوا معاها
طبعا انا مش بشبه ده بينا لان كنا لا نسوى مسمار في حذاء الرسول ولا صحابة الرسول بس دي للمعلومه يعني

وبعدين المنتدى قائم على الحوار وعلى اشتفادة الجميع والاستفاده دي تيجي من المشاركة والتعاون وطبعا ده مش هيجي طول ما البنات مش بيكلموا الشباب

طبعا انا مش بقول انهم يكلموا الشباب بش على القال يكون في حوار

وزي ما عمرو قال ان لو كل جنس اخذ جانب المجتمع هيبقى جزئين


!!!!!!!!!!!!!!!!!!!!!!!!!!!!!!!!!!!!!!!!!!!!!!!!!